Mavingu 27:21 - Bhibhiliya Nya Guage

²¹ Ndralama ni parata sa gu nyiviligiswa khu nilo kharato nuye muthu a gu lingwa khu wuzundzo waye.

Mavingu 27:21 Iomraidhean Croise

2 Samuweli 14:25

Khu guralo, tigoni gwatshavbo gwa Israyeli, a diri mwalo muthu a nga bani nari ni wudhumo khu wumburi kha nga Abhisalamo; gukhugela migondroni kala hungoni gwaye, a di khalegide nyamba wegela.

Joba 28:1

“Lisine, hi ngu dziti gukhethu, womo wulanga gu duswago umo parata, ni umo yi nyiviligiswago umo ndralama.

Dzindzimo 12:6

Magana ya Pfhumu Nungungulu khya lisine, ma agide gu fanana ni parata yi hutidwego, yi mburisedwa ngudzu niloni, livbandre na dzimbili dzinyondro.

Dzindzimo 66:10

Kholu uwe Nungungulu u hi lingide, u hi agisa kha nga idzo yi agiswago khidzo parata.

Mavingu 17:3

Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Malakiya 3:3

A na khala vbavbatshi a lodza ni gu huta parata; a na agisa sanana sa Levhi a va huta gu fanana ni ndralama ni parata. Khavbo avbo, va na resa ga Pfhumu Nungungulu miningelo nya gululame.

Luka 6:26

“Libango lanu mwa gu zundzwa khu vathu vatshavbo. Khidzo kharati vababe vawe va nga bani va gu gira ni vaprofeti nya malipha.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

1 Pedro 4:12

Sigodwa sangu, mu nga liwugi khu gu wona silingo sesi nya gulemele si mi dugelelago, nga khwatshi silo siphya nya gusamadzise mu si wonago.

1 Samuweli 18:30

Gikhati gyatshavbo vathangeli nya dzinyimbi dza Vafilisitiya va nga bani va duga vata dwanisa Israyeli, Dhavhidhe a di dugelela mulitungani guvbindra vathangeli vatshavbo va Sawule; khu guralo lina laye li di zundzega ngudzu.