Mavingu 27:18 - Bhibhiliya Nya Guage

¹⁸ Muthu a sayisago dimwa, a na hodza mihandro yaye, kharato gambe uye a sayisago mune waye, a na zundzega.

Mavingu 27:18 Iomraidhean Croise

2 Dzipfhumu 18:31

Mu nga mu yingisi Ezekhiya, kholu mufumeli wa Asiriya a ngu ganela, khuye: Girani gurula ni eni; mu dzi ningelani avbo gwangu; khavbo avbo, muthu ni muthu a na hodza mihandro ya thembweni gwaye, ni mihandro nya simbo waye, bwelo khavo a sela mati nya nambo waye.

2 Dzipfhumu 3:11

Aholu Josafati a di mu wudzisa, khuye: “Mwalo avba muprofeti moyo wa Pfhumu Nungungulu gasi hi wudzisa ga Pfhumu khavbo gwaye, gani?” Moyo nya sithumi sa mufumeli wa Israyeli a di hakha, khuye: “Womo avba Elizewu, mwamana wa Safati, a nga bani na gu thela mati mandzani ga Eliya.”

2 Dzipfhumu 5:25

Khavbo avbo, a di bela aya ema mbeli ga mune waye. Elizewu a di mu wudzisa, khuye: “Geyazi, gasi wa guta khu hayi?” Uye a di hakha, khuye: “Githumi gyago gima kha gyaya danga.”

2 Dzipfhumu 5:27

Khu guralo, sokono ya Nahamani yi na thapela avbo gwago ni ga livelego lago kala gupindruga. Khavbo avbo, a di duga khu mbeli gwaye, na pomedwe khu sokono a aga kha nga hunguva.

Dzindzimo 123:2

Kha nga sithumi nya vama si virelago gu tshudwa khu mune wawe niso nya vanyamayi, si virelago gu tshudwa khu pfhumugadzi yawe, kharato nethu ha gu khedzisela uwe Pfhumu Nungungulu wathu, na hi gu lirela gukhethu u hi pwela wusiwana.

Ekisodha 24:13

Mosi a di khuga ni githumi gyaye Josuwa va gwela gigomo gya Nungungulu.

Mavingu 17:2

Githumi nya gugengele, gi na fumela mwamana a thesago dzitshoni nyehe waye, gi na kabana thomba gumogo ni vandriyaye.

Mavingu 22:29

Ina uwe khu mu woni muthu a thumago khu wugengeli thumo waye, gani? Uye a na vegwa a thumela vafumeli, nasiri gu thumela vanyalidede.

Mavingu 27:17

Kha nga simbi ni simbi dzi lodzanago, kharato muthu nuye, a ngu gorogisa muthu kwawe.

Mavingu 27:19

Gukhwatshi khu khovbe yi wonegago matini yi fanana ni mune, kharato nuye muthu a hingegedzago khu monyoni gwaye a ngu dzi pima gukhuye, khuye mani.

Gizimba 8:12

Mwangadzi—Lithembwe leli lomo mandzani gwangu; uwe Solomoni u na hakha likhumi mazana singerengere, gasi mazana mavili ma na lumba avo va li sayisago ni gu havela mihandro.

Isaya 36:16

Mu nga mu yingisi Ezekhiya; kholu mufumeli wa Asiriya a ngu ganela kharati, khuye: Dzi rudziseni mu ta eno gwangu, muthu ni muthu a na hodza mihandro yaye nya vhinya ni mihandro nya nguyu waye. Moyo ni moyo a na sela mati ya namboni gwaye;

Matewu 24:25

Nya gu mi embelani matshigu na ma nga romo.

Matewu 24:46

Gi kategide githumi gile gi na guta manwago khu pfhumu yaye na gi nga gu vbanyisa guralo.

Marko 10:43

Gu nga giregi kharato vbakari gwanu. Aholu, oyu a vbwetago gu khala khongolo vbakari gwanu, a na dzi gire githumi gyanu;

Luka 12:37

Si kategide sithumi sile si na ta manwago khu pfhumu yawe na si lindrede. Khu lisine nyi ngu mi embelani nya gukheni: A na sumela mwendra mu giwununi, a gu si khadzisa vbavbatshi, gasi gu si phamela.

Luka 12:42

Pfhumu a di phindrula, khuye: “Khu gevbini githumi nya guthembege, nya gugengele, gile gi na vegwago mbeli nya sithumi sikwawe khu mune ndranga, gasi gu ninga guhodza sithumi sikwawe khu gikhati gi vbwetegago?

Luka 19:17

Mufumeli a di mu hakha, khuye: ‘U giride gwadi githumi nya gyadi; kha nga olu u nga thembegago ga silo nya sidugwana, nyi na gu pharisa ndronga nya gufumele likhumi madhoropa.’

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Mithumo 10:7

Ngilozi ya Nungungulu, na yi vbedzide gu ganela esi, yi di mwalalega. Khavbo avbo, Korineliyo a di rana sithumi saye sivili ni musotshwa moyo nya githawo ni Nungungulu, a gu avo a nga bani a gu va tumba.

1 Vakorinto 3:8

Gu mwalo guhambana ga oyu nya guyale ni oyu nya guthedzele mati. Ambari ulo, muthu ni muthu a na hakhiswa mayelano khu thumo waye.

1 Vakorinto 9:13

Ina mwa gu hangwa khu gukhenu ava va thumelago Nyumbani ga Nungungulu va na ni fanelo nya guhodziswe khu Nyumba ya Nungungulu, gani? Vaningeli nya mhamba kha va ngu hakha gipandre nya miningelo ya vbagiluvelotunu, gani?

1 Vakorinto 9:7

Khu levbini lisotshwa li yago nyimbini khu dzitsapawu dza kwamani gwaye? Khu wevbi muthu a limago lithembwe nya miuvha, a si hodzi mihandro yaye? Khu wevbini muhavisi a si seligo mahwe nya tshambi waye?

Vakolosi 3:22

Sithumi, yingelani siloni gwatshavbo vale mu va thumelago mafuni momu, nasiri basi gikhati va mi ghadhago, nga khwatshi mwa gu dwanela basi gu va tsakisa, aholu khu gutshulega nya myonyo yanu ni gu thava Pfhumu.

2 Thimoti 2:6

Mulimi a thumidego a na ni fanelo nya guhegule khuye a hodza mihandro nya thumo waye.

1 Pedro 2:18

Enu sithumi, yingelani ni gu vega githawo ga vafumeli vanu, nasiri ga avo nya vadi basi, aholu, ni ga ava nya guvivbe navo.

1 Pedro 2:21

Kholu, khiso a mi ranedego iso. Uye Kristo, wurumba waye, sanisekide kotani yanu, a hi ninga giwonelo gasi hi landra ndzila yaye.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.