Mavingu 26:4 - Bhibhiliya Nya Guage

⁴ U nga phindruli gipumbu khu wupumbu waye, kholu uwe nuwe u na fanana nagyo.

Mavingu 26:4 Iomraidhean Croise

1 Dzipfhumu 12:14

A di va hakha kha nga idzo a nga embedwago khidzo khu madzaha, khuye: “Babe wangu lemedzide rwalo wanu, aholu eni nyi nga na gu wu engedzela gambe gulemela; babe wangu, a mi tsayiside khu mapitso, aholu eni nyi na mi tsayisa khu dzihume.”

1 Dzipfhumu 12:16

Avbo vatshavbo va na Israyeli, va nga wona gukhavo mufumeli kha va yingisi, vathu va di engedza va ninga phindrulo ga mufumeli, khavo: “Gasi giavelo muni hi gi manego ethu ga Dhavhidhe? Thomba muni hi gu nayo ni mwamana wa Jese? Va na Israyeli, bwelelani mitshatshani gwanu! Uwe Dhavhidhe, wonelela wabune ndranga yago!”

Mavingu 17:14

Guphela nya guganedzisane gukhwatshi guphusuga nya mati nya tsongo wa guphela gutala; khu guralo, khuga u hongole na mu si gu pheli mayunga.

Mavingu 23:9

U nga dzi garadzi khu gubhula ni gipumbu, kholu igyo kha gi na khathala khu magana yago nya wugengeli.

Mavingu 26:5

Gi phindrule khu ndzila yi yeyedzago wupumbu waye, gasi igyo gi si dzi woni na gi gengede.

Mavingu 29:9

Muthu nya mapimo a gu ketsarana ni gipumbu, ambari a gu goroga mwendro guhegela, gima kha gu manegi gurula.

Isaya 36:21

Aholu, avo va di degula va si mu hakhi gilo, kholu mufumeli a di va leletede gukhuye: “Mu nga mu ningi phindrulo.”

Matewu 7:6

“Mu nga dzegi silo nya gukatege mu ninga dzimbwa, dzi nga mi wugelani dzi mi hodza; kha nga gambe, mu nga dzegi dzindralama dzanu mu ninga dzikhumba, dzi nga gandredzedwa.

1 Pedro 3:9

Mu nga bweledzeli guvivba khu guvivba, ambari guvala khu guvala. Aholu kategisani kholu mu ranedwe guta hakha gikategiso.

Judha 1:9

Ambari ngilozi nya yikhongolo, Migeli, kha ya gira isoso nya guvale, gikhati yi nga ganedzisana ni Sathane khu gu vbweta guti khu mani a na khalago ni girumbi gya Mosi. Migeli gima kha tiya gulamula Sathane khu gu mu vala. Aholu, a di mu embela, khuye: “Pfhumu a na gu kawuke.”