Mavingu 26:25 - Bhibhiliya Nya Guage

²⁵ Ambari a gu tshambisela gu ganela u nga khodwi, kholu monyoni gwaye, gu tade khu wulala nya gu enedze livbandre na dzimbili dzinyondro.

Mavingu 26:25 Iomraidhean Croise

Nehemiya 6:2

Sambalati ni Gesemi, va di rumela guta nyi embela, khavo: “Delu hi ta tshangana nago gidhoropanani gya Ono.” Kholu va diri ni makungo nya gu nyi songe.

Dzindzimo 12:2

Muthu ni muthu, a gu liphela muthu kwawe khu magana nya gusengedzele ni gupemba.

Dzindzimo 28:3

U nga nyi tsayisi gumogo ni sighohi, ni vale va thumisago wughevenga; khu likana va gu ganela khu gurula, aholu myonyoni gwawe va na ni makungo nya guvivbe.

Mavingu 23:7

kholu uye a gu pimisa basi guluza. Khu monyoni gwaye a gu ganela, khuye: “Hodza u sele!” Aholu kha ganeli khu gutiyisa.

Mavingu 26:23

Magana nya gunyenyeze ni monyo nya guvivbe, gu fanana ni sombo nya libumba si namegedzedwego, maraga nya parata.

Jeremiya 12:6

Kholu ambari ni vandriyago gumogo ni ndranga ya babe wago, avo navo va gu logovedzide; avo kamwe va ngu gu lundra na va gu gira ligwaha nya likhongolo. Ambari va gu gu sengedzela khu silo nya gumbure u nga va tumbi.

Mikeya 7:5

Mu nga vegi gitumbo gyanu ga dzipari, ni gu tumba ga valongo, ambari ni wule u mi gumbarelago; vegedza gwadi malito ma dugago khu kanani gwago.

Matewu 24:23

Khu kharato, va guta mi embelani, khavo: ‘Kha mu mu woni Oyu Kristo’, mwendro sawe, khavo: ‘Kha mu mu woni Wule’, mu nga khodwi,

1 Samuweli 18:17

Sawule a di embela Dhavhidhe khuye: “Nyi na gu ninga Merabhi nyamahegyane wangu nya matiwula a khala mwangadzi wago; gambe u fanede gu dzi yeyedza gukhuwe u ndrena nya gudwane dzinyimbi dza Pfhumu Nungungulu.” Sawule a di ganela khu monyoni gwaye, khuye: “Kha nyi vbweti gu mu songa khu mandza yangu, aholu a na songwa khu Vafilisitiya.”