Mavingu 24:19 - Bhibhiliya Nya Guage

¹⁹ U nga vbisi hungo khu vathu nya sighohi, ambari gu dogorela vathu nya guvivbedwe khu monyo.

Mavingu 24:19 Iomraidhean Croise

Dzindzimo 1:1

Kategide muthu a si landrisigo sileletelo nya vathu nyambasi vadi a si longolokigo ndzila ni sighohi, a si khaligo tsawani nya vakanganyisi,

Dzindzimo 119:115

Leyani hwindzo gwangu enu va nya guvivba, gasi nyi sayisa sileletelo sa Nungungulu wangu.

Dzindzimo 37:1

U nga garadzegi khu kotani nya vathu nya guvivbedwe khu myonyo, gambe u nga gireli lidiwo vale va girago guvivba.

Dzindzimo 73:3

Kholu eni nyi di gu girela lidiwo va nya gu dzi khusedza, khu gu wona gukheni silo sawe sa gu duga gwadi.

Mavingu 13:20

Wule a gimbilago ni va nya mapimo, a na mana mapimo, aholu wule a gimbilago ni sipumbu a na thegedwa khu libango.

Mavingu 23:17

Monyo wago wu nga dogoreli sighohi, aholu uwe thava Nungungulu gikhati gyatshavbo.

Mavingu 24:1

U nga dogoreli vathu nya guvivbedwe khu monyo, ambari gu dogorela gu khala navo.

Mavingu 24:18

kholu Pfhumu Nungungulu a na si wona a si si tsakeli, a ndreyisa likhulo laye avbo gwaye.

Mitengo 16:26

A di embela tshangano, khuye: “Ndreyani mitshatshani nya vathu vava nya guvivbedwe khu myonyo, mu nga khumbi ni gimwegyo gi va lumbago, mu nga mbembiswa khu kotani nya sighoho sawe.”

2 Vakorinto 6:17

Khu kharato Pfhumu yi ngu ganela gambe, khiyo: “Dugani khu vbakari gwawe mu hambana navo mu nga khuhini gilo nya gunyenyeze.

Vaefeso 5:11

Mu nga hengeli gumogo ni vale va vbanyelago gidemani, mithumoni yawe nyamba phasa gilo; aholu yi ganedzeni nyamba yi vegedzela.

Gutuledwa 18:4

Nyi dipwa gambe lito khu ndzadzini, na li gu ganela, khilo: “Dugani enu vathu vangu khu dhoropani momo, gasi mu si hengeli naye sighoho saye, mu patwa nenu sitsayisoni gwaye.