Mavingu 24:16 - Bhibhiliya Nya Guage

¹⁶ kholu muthu nya gululame, ambari a thega livbandre na dzimbili dzinyondro, uye a na wuga, aholu vathu nya guvivbedwe khu monyo, litshigu nya mhango, va na thegela muphelo.

Mavingu 24:16 Iomraidhean Croise

Genesi 19:35

Va di sedza wadwa babe wawe ni wutshigu wowo gambe, nyamahegyane nya nandra a di ya lala ni babe waye a ngamba pima gilo gikhati a nga ta lala ni gikhati a wugidego.

Joba 5:19

Ambari wa gu dugeledwa khu livbandre na mweyo dzimhango, uye a na gu vbulugisa, guvivba ga iyo nya livbandre na dzimbili, kha gu na nga gutshanisa.

Dzindzimo 34:19

Sigaradzo nya muthu nya gululame singi ngudzu, aholu Pfhumu Nungungulu a gu mu vbulugisa ga satshavbo.

Dzindzimo 34:21

Muthu nya guvivbedwe khu monyo a gufa khu wuvivbi waye, ni avo va vengago muthu nya gululame va na tsayiswa.

Dzindzimo 37:24

a gu tshunganela kha thegi, kholu Pfhumu Nungungulu a ngu mu phara khu libogo.

Dzindzimo 52:5

A nuye Nungungulu a na gu mbembisa kala gupindruga; a na gu dzega a gu tutumisa nyumbani gwaye a gu fuvisa tigoni nya vathu nya guvbanye.

Dzindzimo 7:16

Guvivba gwaye gu na thegela hungoni gwaye, a na pfarwa hungo khu wughevenga waye.

Dzindzimo 79:12

Pfhumu, tsayisa vaakelane vathu khu guwuyelela guvbindra livbandre na guvili, khu kotani nya sighoho va gu giredego.

Mavingu 13:17

Mwango nyamba wadi wa gu pengisa vathu, aholu uye a resago guvbanya, khu wule a tumbegidego.

Mavingu 13:21

Wuvivbi wa gu landrisela sighohi, gasi wuwadi tshatshazelo wa va nya gululama.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Mavingu 24:22

Kholu mhango yawe yi na vboha khu githugedza, khu mani a litigo litshigu nya gumbembiswe ga vathu vava?

Mavingu 6:15

Khu guralo, libango li na mu thegela khu gipitipiti; khu githugedza a na thega a mbemba nyamba wuga gambe.

Jeremiya 18:17

“Vathu vangu nyi na va phalalegisa vbakari ya valala vawe, nga phuvbo yitago khu Khugadambo; nyi gikha marundra nyi va pfhurarela, nyi si va yeyedzi khovbe yangu khu litshigu nya mhango.”

Jeremiya 8:4

Va embele gambe, khuwe: Pfhumu Nungungulu a ngu ganela kharati, khuye: Ina muthu a gu thega kha kodzi guwuga gambe, gani? A gu ndreya ndzilani kha na wuya gambe, gani?

Ezekiyeli 7:5

Mune Pfhumu Nungungulu a di ganela kharati, khuye: “ Wona nya gukhuwe libango li nguta nya likhongolo.

Amosi 5:2

Likendzi la Israyeli li thegide, gima kha li na wuga gambe; li di labalaba mafuni, mwalo ni moyo nya gu li wuse.

Amosi 8:14

Vale va sambanyago khu nungungulu nya malipha wa Samariya, va ganela, khavo: “Hi ngu sambanya khu nungungulu wago, uwe Dhani; ni avo va gukhavo: Hi ngu sambanya khu ndzila yiyago Bherisebha! Vanungungulu wowo va na thega, nyamba wuga gambe.”

Mitengo 32:23

Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

Mithumo 12:23

Khu gikhati gyogyo a di vetwa khu ngilozi ya Pfhumu, a gu hodzwa khu siwungu afa, kholu kha nga rungudza Nungungulu.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

1 Samuweli 26:10

Dhavhidhe a di engedza gambe, khuye: “Nyi ngu sambanya khu Pfhumu Nungungulu a vbanyago, kheni Uye Pfhumu Nungungulu a na mu songa, mwendro la gu vboha litshigu laye a nafa, mwendro a gu hongola nyimbitunu a naya songwa.

1 Samuweli 31:4

Khavbo, Sawule a di embela muphari nya matshari yaye, khuye: “Homola litshari lago u nyi paya khilo, gasi nyi siti paywa khu va nya misutu vava, va bwelo va hagana khu girumbi gyangu.” Aholu muphari nya matshari yaye, kha dzumela gu gira isoso, kholu a di gu thava ngudzu; khavbo avbo, Sawule a di dzega litshari laye a dzi rinya vbatshani gakone.