Mavingu 24:15 - Bhibhiliya Nya Guage

¹⁵ U nga dembeli muthu nya gululame na khade ndrangani gwaye, kha nga idzo a girago muthu nya guvivbedwe khu monyo, ambari gu sasela ni wulanga waye a hefemulago avbo;

Mavingu 24:15 Iomraidhean Croise

Dzindzimo 140:5

Va nya matshandza va dembide mazinga va nyi riya, va riyide ligoga ndzilani gwangu, va dembide dzingodzi gasi gu nyi mola khidzo.

Dzindzimo 37:32

Muthu nya guvivbe a gu holelela muthu nya gululame a zama gu mu songa.

Dzindzimo 56:6

Va gu tshangana va sihala, va nyi holela umo nyi gimbilelago umo, na va gu virela gikhati nya gu nyi songe.

Dzindzimo 59:3

Nungungulu wangu, wona avo va nyi dembelago mazinga, va wugela hefemulo wangu; va nya dzitshivba va gu nyi wugela, nya sa ghoha gilo.

Mavingu 1:11

Va gu gu embela, khavo: “Hongole. Hi ya sihalela vathu va gumwalo nandru gasi hi vbaladza novba wawe,

Mavingu 22:28

U nga vbindrugedzi mivbingano ya gale, yi pandridwego khu vavelegi vago.

Isaya 32:18

Vathu vangu va na vbanya wulanga nya gurule, malangani nya gukhadzisege gwadi, khu gurula ni gutangala,

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Matewu 26:4

Avbovbo, va di hevbula mano nya gumole khayo Jesu va mu songa.

Mithumo 23:16

Gyanana gya ndriyaye Pawulo, na gi pwide mahungu yaya, gi di ya bela libhiyoni giya embela Pawulo esi satshavbo gi nga si pwago.

Mithumo 25:3

Va lomba wuhindzi ga Festo gukhavo a ranisa Pawulo ata Jerusalema; Va di hungide gikungo nya gu mu songe ndzilani.

Mithumo 9:24

Aholu Sawule a di tiviswa. Ni malimba nya lidhoropa ma di ghadhwa wutshigu ni mihani, vafela gu mu songa.

1 Samuweli 9:11

Na va gu gwela gu landrisela libhiyo nya lidhoropa, va di manana ni vanyamahegyane va nga bani va gwela guya rega mati, va va wudzisa, khavo: “Ina omu womo mwama nya liwoni, gani?”