Mavingu 23:18 - Bhibhiliya Nya Guage

¹⁸ Khu guralo khu matshigu matago, u na mana mavbanyelo nya yadi, gitumbo gyago kha gi na vbela.

Mavingu 23:18 Iomraidhean Croise

Dzindzimo 19:11

Ni githumi gyago gi ngu ningwa khayo guti; oyu a ma landrisago, a na mana tshatshazelo.

Dzindzimo 37:37

Khedzisa muthu a vbeledego u wona muthu nya gululame; kholu muthu nya gurule a na mana vatugulu.

Dzindzimo 58:11

Vatshavbo va na, khavo: “Bayi furi! Muthu nya gululame a ngu tshatshazedwa! Khu lisine, womo Nungungulu a lamulago litigo!”

Dzindzimo 9:18

Kholu gisiwana kha gi na divadwa muphelo, gutumba nya vathu nya gusolege kha gu na khala liphanga.

Mavingu 24:14

Dziti nya gukhuwe guti gu na gira nga wulombe guvbanyani gwago, wa gu gu mana, khu na kanakana khiso si na gu dugelago khu matshigu ma nga gutago, ni gitumbo gyago, gi na bani nari gya lisine.

Mavingu 24:20

Kholu va nya guvivbedwa khu myonyo kha va na wona matshigu nya yadi, ni mwenge nya sighohi, wu na tshimega.

Jeremiya 29:11

Eni kheni nyi matigo gwadi makungo nyi gu navo khu enu, a ngu ganela Pfhumu Nungungulu; makungo yangu khya gu mi kategisa nasiri gu mi reselani dzimhango, makungo nya gu mi ningeni gitumbo ga matshigu ma nga gutago.

Luka 16:25

Abrahama a di hakha, khuye: Mwanangu, dundruga nya gukhuwe u hakhide thomba yago u nga gu vbanya, gasi Lazaro a di mana basi sisaniseko. Olu uye a ngu tangadziswa, gasi uwe u ngu saniseka.

Vafilipi 1:20

Egi nyi lilago wutshigu ni mihani, na nyi gu tumba khu monyo wangu watshavbo, khu gukheni nyi si khali dzitshoni. Gani olu, muhuno kha nga gikhati gyatshavbo, Kristo a na dhumiswa givilini gwangu, khu guvbanya ambari khu gufa gwangu.

Vahebheru 10:35

Mu nga vbelini tshivba, tshatshazelo mu dongisedwego wukhongolo.