Mavingu 23:10 - Bhibhiliya Nya Guage

¹⁰ U nga tshuki u vbindrugedza mivbingano yi pandridwego gale, ambari gu dzegela dzikhulungu wulime wawe;

Mavingu 23:10 Iomraidhean Croise

Joba 22:9

U bweledzide dzinoni na dziri mwalo gilo, u vbedza tshivba mandza nya sigulungu.

Joba 24:9

Sigulungu sa gu wandrwa beleni ga vamayi vawe, va livba milandru khu sanana sa beleni nya sisiwana.

Joba 6:27

Ina enu mu ngu kodzani gu rengisa gisiwana khu gu gira nyatumbatumbane, gani?

Dzindzimo 94:6

Va gu songa valuveli; va songa dzi noni ni dzikhulungu.

Ekisodha 22:22

Mu nga tshanisi noni mwendro khulungu.

Mavingu 15:25

Pfhumu Nungungulu a ngu pfhungumula nyumba ya va nya matshandza; aholu a vhikela thomba ya noni.

Mavingu 22:28

U nga vbindrugedzi mivbingano ya gale, yi pandridwego khu vavelegi vago.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 7:5

Aholu, phelani khu gu ndreya ndzilani gwanu ni mithumoni gwanu nya guvivbe, mwa gu lamulani khu gululama vbakari gwanu, ni ga vaakelane vanu;

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Zakariya 7:10

Mu nga tshanisini dzinoni ni sigulungu, valuveli ni sisiwana ambari gu luga makungo myonyoni gwanu nya gutshanisane khu gyanu.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Dhewuteronome 19:14

Malangani ma gu ya thomba yago, u nga vbindrugedzi mivbingano ya muakelane wago, yi vegidwego khu vagale vanu, ga litigo eli Pfhumu Nungungulu wago, a gu ningago gasi u li fumela.

Dhewuteronome 27:17

Libango ga wule a vbindrugedzago mivbingano ya muakelane waye. Vathu vatshavbo va na hakha, khavo: “Amen!”

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.