Mavingu 22:8 - Bhibhiliya Nya Guage

⁸ Uye a yalago wuvivbi, a na vbwera tshanisa; ni ndronga a tshanisago khiyo vakwawe, yi na mu fanyegela.

Mavingu 22:8 Iomraidhean Croise

Joba 4:8

Kholu eni nya gu wona gukheni, avo va limago mithumo nya guvivbe ni gu yala guvivba, khiyo mihandro va vbwerago.

Dzindzimo 125:3

Avo va girago guvivba, kha va na fuma kala gupindruga tigoni ga vathu nya gululame, gasi va nya gululama va si khusedzi mandza va gira guvivba.

Mavingu 1:31

Khu guralo, va na hodza handro nya mithumo yawe, va khura khu gupimisa gwawe.

Mavingu 14:3

Khanani nya gipumbu, lomo lipitso nya matshandza, aholu khu kanani ga muthu nya guti, gomo gu dzi vhikela.

Isaya 10:25

Kholu ndrani nya gikhati gidugwana yi na wuga khorodza ni likhulo langu, gasi nyi va pfhungumula.”

Isaya 10:5

Libango ga Asiriya, lipitso nya likhulo langu! Kholu likhulo langu, la gu fanana ni ndronga mandzani gwaye!

Isaya 14:29

Enu Vafilisitiya mwatshavbo mu nga nengeli, kholu yi fanyeledzedwego ndronga yi nga bani yi mi tshanisa, kholu girumbi nya nyoga gya gu dusa wuhungu, ni umo nya litandra nya nyoga gu duga mwamilambo.

Isaya 30:31

Kholu lito la Pfhumu Nungungulu li na phwatisela Asiriya a khala sindzengele, avbo a na mu bayisago khu ndronga yaye.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Hoseya 10:13

Mu yade manyala, mu ngu vbwera guvivba, mu hodza handro nya malipha, kholu enu mu di tumba tshivba yanu mwabune, ni talo nya dzindrena dzanu.

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.