Mavingu 22:6 - Bhibhiliya Nya Guage

⁶ Hevbudza gyanana ndzila gi yelago gu yi landra, kholu, ambari gya gu gumba, gima kha gi na hambana nayo.

Mavingu 22:6 Iomraidhean Croise

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

Vaefeso 6:4

A nenu vavelegi, mu nga goroseli sanana, aholu si dandriseni khu gu si hevbudza mavbanyelo nya ndruda ni githawo, kha nga guruma ga Pfhumu.

Dhewuteronome 11:19

Hevbudzani sanana sanu, mu ganela khayo na mu khade vbavbatshi dzindrangani gwanu, mwa gu gimbila ndzilani, avbo mu lalago, ni avba mu wugago.

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Dhewuteronome 6:7

u na yi hevbudza ga sanana sago, u na ganela khiyo nu khade ndrangani gwago, na wu gu gimbila ndzilani, gikhati u lalago, ni gikhati u wugago.

2 Thimoti 3:15

Gukhugela wanana wago, u ngu yi pima gwadi Milowo nya Guage. Iyo yi na ni tshivba nya gu gu ninge guti gu yisago guvbanyiswani khu gukhodwa ga Kristo Jesu.

Valamuli 13:12

Khavbo avbo, Manowa a di mu wudzisa, khuye: “Magana yago ma gu tadzisega, khu mevbini mavbanyelo ni thumo hi yelago guvbanya khidzo ni gyanana?”

1 Samuweli 1:28

Khu guralo, nyi ngu gi resa nyi gi bweledza ga Pfhumu Nungungulu, guvbanyani gwaye gwatshavbo; kholu nyi gi lombide ga Pfhumu Nungungulu.” Khavbo avbo, va di lombelela vbale ga Pfhumu Nungungulu.

1 Samuweli 2:26

Mwamana Samuweli a di dandra, na gu salalegisa Pfhumu Nungungulu gumogo ni vathu gambe.