Mavingu 22:3 - Bhibhiliya Nya Guage

³ Muthu a gengedego a gu wona mhango yi ngari hwindzo a sihala; gasi sipumbu sa gu vboha vbafuvbi, khu hwane si dzi laya.

Mavingu 22:3 Iomraidhean Croise

Mavingu 1:22

“Enu sipumbu, kala lini na mu nga gu hamuga mano? Ni enu vatseketseli, kala lini na mu nga gu gola gutseketsela? Enu sipumbu, kala lini na mu gu bomba gu nyi yingisa?

Mavingu 14:16

Muthu nya mapimo a ngu thava a ndreya whindzo nya gihoso, aholu gipumbu gya gu dzi tumba gi hunisela.

Mavingu 22:4

Tshatshazelo nya gu dzi nogise, ni guthava Pfhumu Nungungulu, thomba, wuzundzo ni guvbanya.

Mavingu 27:12

Muthu nya mapimo a ngu wona mhango na yi ngari hwindzo a sihala, aholu gipumbu gya gu yi thonona gi ya mana gutshaniseka.

Mavingu 29:1

Uye a kanyisago mwendro gumba dzumela gululekwa, a na mbembiswa na si pimi gilo, a na hamuga ni uye nya gu mu wuse.

Mavingu 7:7

nyi wona vbakari nya madzaha nya va nyalidede nyi tugula lidzaha limwedo nyambana mapimo.

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

Vahebheru 6:18

Khu kharato, silo sivili si si kodzigo gu vbindrugedza: Gitumbiso ni gisambanyo. Ga esi silo, Nungungulu kha dzi kodzi gu hi senga. Kharato, ethu hi tumbago uye hi ngu dzipwa na hi gu tiyisedwa khu gutumba hi ningidwego.