Mavingu 21:4 - Bhibhiliya Nya Guage

⁴ Maho nya gu dzi khusedze ni monyo nya matshandza, mwenge wa va nya guvivbedwa khu monyo, gambe si ngu va ghohisa.

Mavingu 21:4 Iomraidhean Croise

Joba 18:5

Khu lisine, kandriya ya va nya guvivbedwa khu myonyo yi na tshimega ni malavbelavbe nya nilo wawe kha ma na wenengedza.

Joba 18:6

Mitshatshani gwawe kha gu na wonegela, ni kandriya nya guvbanye gwawe yi na tshimega;

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 101:5

Oyu a lembago ni gu singedza muthu kwawe mugusihalani, uyoyo nyi na mu mbembisa; gima kha nyi na timisela va nya matshandza ni va nya gu dzi khusedza.

Dzindzimo 131:1

Pfhumu Nungungulu, monyo wangu kha wu dzi gugumugisi, ambari maho yangu gu dzi khusedza; kha nyi gimbili nyi vbweta silo nya sikhongolo, ambari silo nya gu samadzise ngudzu gwangu.

Mavingu 15:8

Phaso wa vathu nya guvivbedwe khu monyo, manyala ga Pfhumu Nungungulu, aholu nombelo wa vathu nya gululame, khuwo wu mu tsakisago.

Mavingu 21:27

Mhamba ya muthu nya guvivbedwe khu monyo yi nyenyezide mahoni ga Pfhumu, ngudzungudzu a gu yi ningela khu maalakanyo nya guvivbe.

Mavingu 24:20

Kholu va nya guvivbedwa khu myonyo kha va na wona matshigu nya yadi, ni mwenge nya sighohi, wu na tshimega.

Mavingu 30:13

vale maho yawe ma khusegidego ni dzitshi dzawe dzi laphidego.

Mavingu 6:16

Somo livbandre na gimwegyo silo a si vengago Pfhumu Nungungulu, nya livbandre na sivili si gorosago hefemulo waye, a gu esi:

Mavingu 6:17

Maho nya gu dzi gugumugise, lidimi nya guganele malipha, mandza ma vbaladzago novba nyambana nandru,

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 2:11

Khu litshigu lolo, maho ya va nya matshandza ma na poyidwa, ni vathu va dzi khusedzago, va na vbwasamiswa; Pfhumu Nungungulu khuye basi a na gu khusedzwago khu litshigu lolo.

Isaya 2:17

Khu litshigu lolo, vathu va dzi khusedzago va na thedwa dzitshoni, ni avo va dzi gugumugisago va na vbwasamiswa. Pfhumu Nungungulu khuye basi a na khusedzwago.

Isaya 3:16

Pfhumu Nungungulu a ngu engedza a ganela, khuye: Kha nga olu vanyamahegyane va Siyoni va dzi gugumugisago, va gimbila na va khusedzide dzithamo, maho yawe na ma tade khu wukanganyisi, va gu gimbila gukhwatshi va di hungwa, na va gu dzumisa masindra ya mawundruni gwawe.

Luka 11:34

Mwenge nya givili gyago khu liso lago. Liso lago la gu bani li wona gwadi, givili gyago gyatshavbo gi na wenengedzwa. Aholu la gu bani li dwala, givili gyago gyatshavbo gi na khala mugidemani.

Luka 18:14

Nyi ngu mi embelani, kheni: Oyu muhengisi nya khupho khugide khu vbale a hongola gaya na tsetseledwe, gasi mufarisi khandriso si nga mu dugelago. Kholu watshavbo muthu a dzi khusedzago a na vbwasamiswa, gasi uye a dzi sodzisago a na khusedzwa.”

Varoma 14:23

Aholu, muthu a hodzago na gu kanakana, a gu hodza, a na ni nandru khu esi a hodzago nyamba dziti gukhuye si loledzisidwe khu Nungungulu, a gu hodza, a na ni nandru; kholu kha landrisi esi a khodwago ga iso. Satshavbo esi a girago muthu na si gu hambana ni gukhodwa gwaye, gighoho.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”