Mavingu 21:21 - Bhibhiliya Nya Guage

²¹ Uye a landrisago ndzila nya gululame ni wuhindzi, a na mana guvbanya, gululama ni wuzundzo.

Mavingu 21:21 Iomraidhean Croise

Dzindzimo 112:4

Wenengedzo wu ngu wenengedza gidemani ga muthu nya gululame; uye a na ni wuhigo, wuhindzi ni gululama.

Mavingu 10:16

Tshatshazelo wa muthu nya gululame wa gu mu resela guvbanya, aholu gughanya ga muthu nya guvivbedwe khu monyo, wa gu mu resela tsayiso.

Mavingu 11:19

Avo va tiyidego gululamani, va gu mana guvbanya, aholu vale va gimbilago ndzilani nya guwegele, va gu dzi vangela lufu.

Mavingu 15:9

Ndzila ya muthu nya guvivbedwe khu monyo, manyala ga Pfhumu Nungungulu, kholu uye a gu gola uye a gimbilago khu ndzila nya gululame.

Mavingu 22:4

Tshatshazelo nya gu dzi nogise, ni guthava Pfhumu Nungungulu, thomba, wuzundzo ni guvbanya.

Mavingu 3:22

Kholu si na khala womi nya hefemulo wago; si mburisa gwadi thamoni gwago.

Isaya 51:1

Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Matewu 5:6

Va kategide vale va gu ni ndzala ni lidora nya ndruda, kholu va na khuriswa.

Varoma 14:19

Khu kharato, hongoleni hi dzi garadze khu gu vbweta silo sile si hi reselago gurula ni gu tiyiselana gukhodwani.

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

Vafilipi 3:12

Kha nyi ganeli gukheni eni nyi vbohide mahegiso, mwendro gukheni nyi vbelede, aholu nya gu simama guya mbeli nyi zama gu si mana, kha nga eni neni nyi manidwego khu Kristo Jesu.

1 Vatesalonika 5:21

Khedzani gwadi satshavbo; mu vegisa esi nya sadi,

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

2 Thimoti 2:22

Uwe u nga hengeli ni madzaha u dogorela esi nyamba yela. Vbweta lisine, ni gukhodwa ni lihaladzo ni gurula ga vatshavbo vale va lombelelago ga Pfhumu khu myonyo yi agidego.

Vahebheru 12:14

Vbanyani khu gurula ni vathu vatshavbo, mu dzi garadza khu gu vbanyela Pfhumuni, kholu nyamba gira kharalo, mwalo muthu a na gu wonago Pfhumu.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.