Mavingu 21:2 - Bhibhiliya Nya Guage

² Dzindzila dzatshavbo muthu a gimbilago khidzo, guwonani gwaye wari khuye dzi lulamide, aholu Pfhumu Nungungulu khuye a khedzago monyo waye.

Mavingu 21:2 Iomraidhean Croise

Joba 31:6

Nungungulu a na nyi vege vbagikalotunu gi lulamidego, a na dziti gukhuye nyi mwalo nandru;

Dzindzimo 36:2

Kholu a gu dzi pfhadza abune afela gumba tugula ni gu nyenya guvivba gwaye.

Mavingu 12:15

Muthu nya guvivbedwe khu monyo, a gu pimisa gukhuye satshavbo a girago khyadi, aholu uye a lulamidego a gu laywa, a gu yingisa.

Mavingu 16:2

Satshavbo iso muthu a girago mapimoni gwaye, a gu si wona na si agide, aholu Pfhumu Nungungulu a gu khedza mipimiso yaye.

Mavingu 16:25

Yomo ndzila muthu a yi wonago gukhwatshi yi lulamide, aholu khu guhegisa ya gu mu yisa lufuni.

Mavingu 17:3

Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Mavingu 20:6

Vathu nya vangi va gu dzi zundza gukhavo khavo nya vadi, aholu khu mani a na manago muthu nya gutumbege?

Mavingu 24:12

Wa gu ganela, khuwe: “Ethu kha hi siti iso si nga bani na si gu dugelela!” Ina wule atigo mapimo nya vathu, kha na siti, gani? Uye a sayisago womi wago, kha na siti, gani? Ina Uye kha na bweledzela muthu mayelano ni mithumo yaye, gani?

Mavingu 30:12

Vomo va dzi wonago na va agide, aholu, na va si gu handzwi guvivba va gu nago;

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Dhaniyeli 5:27

TEKELI: Gu thudwa gupwani: U pimidwe vbagikalotunu, u manega na wu vbevbugide.

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Vagalatiya 6:3

Kholu muthu a gu dzi alakanya gukhuye gilo, nasiri gilo, a ngu dzi pfhadza abune.

Jakobe 1:22

Khalani valandrisi nya mahungu yaya, mu si khali basi vayingisi, mu dzi kanganyisa khu magana nya gukanganyise.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.