Mavingu 20:9 - Bhibhiliya Nya Guage

⁹ Khu mani a kodzago gu ganela, khuye: “Monyo wangu wu agide, sighoho sangu si handzidwe?”

Mavingu 20:9 Iomraidhean Croise

1 Dzipfhumu 8:46

Va gu gu ghohela kha nga a gu mwalo muthu nyamba ghoha, uwe u va gorogela u va ningela mandzani ga valala, gasi va va vbagela vaya girwa dzikhumbi tigoni ga valala vawe, hwindzo mwendro vbafuvbi ni litigo lawe;

2 Dzikoronika 6:36

Va gu Gu ghohela (kha nga a gu mwalo muthu nyamba ghoha), Uwe U va gorogela, U va ningela mandzani ga valala vawe, gasi va va vbagela vaya khala dzikhumbi tigoni nya gukari, nari hwindzo mwendro vbafuvbi;

Joba 14:4

Ina khu mani a dzi kodzago gu dusa gilo nya guage, ga gilo nyamba aga, na? Khu lisine mwalo!

Joba 15:14

Khuye mani muthu, nya gukala a dzipwa na lulamide? A na lulama kharini na velegidwe khu nyamayi?

Joba 25:4

Khu mani a lulamidego mbeli ga Nungungulu? A nga kodza kharini gululama muthu a velegidwego khu nyamayi?

Dzindzimo 51:5

Kholu eni nyi velegedwe mugighohoni, mayi wangu khuride mimba yangu nyiri gighohi.

Muhevbudzi 7:20

Mafuni momu, mwalo muthu nya gululame, a thumago basi iso nya sadi nyamba ghoha.

Varoma 3:9

Hi na khethu ginani olu? Ina ethu hi vathu nya wutshukwana guvbindra vambe, gani? Ahihi. Kha nga nyi ngari gu mi yeyedzago, Vajudha gumogo ni avo va si gu Vajudha, vatshavbo va fumedwe khu gighoho.

1 Vakorinto 4:4

Eni kha nyi dzipwi na nyiri ni nandru wa gilo. Ambari ulo, kha nyi dzi woni nga muthu nya ndruda. Pfhumu khuye a nyi lamulago.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.