Mavingu 20:3 - Bhibhiliya Nya Guage

³ A ngu zundzega muthu a si dzi bedzigo mayungani, aholu sipumbu sa gu dzi ningela ga ayo.

Mavingu 20:3 Iomraidhean Croise

Genesi 13:7

Gu di phela gu wuga siregera ga vahavisi va Abrama ni ava va Loti. Khu matshigu yoyo Vakhanani ni Vaperezi va di gu vbanya navo tigoni mule.

Genesi 13:8

Khavbo avbo, Abrama a di embela Loti, khuye: “Khandri gwadi gu manega siregera ni guhambana vbakari gwathu mwendro ga vahavisi vathu, kholu hi va ndranga mweyo.

2 Dzipfhumu 14:9

Aholu Jeyowasi, mufumeli wa Israyeli a di rumela mwango ga Amaziya, mufumeli wa Judha, khuye: “Muba wu guromo Libhanoni, wu rumede sedhari wu guromo Libhanoni, khuwo: Ningela nyamahegyane wago a khala mwangadzi wa gyanana gyangu; aholu sirengo si nga bani si romo khabini si di vbindra si gandra muba.

Mavingu 14:17

Muthu nya gihafane a gu gira silo nya guhandruge, gasi muthu nya mapimo nya guwegele khwa gu nyenywa khu vathu.

Mavingu 14:29

Muthu nya litimiselo a na ni mapimo, aholu uye nya gihafane a gu vbiredzela gu yeyedza wupumbu waye.

Mavingu 16:32

Uye a hwelago gu goroga, a ngu vbindra ndrena, ni muthu a kodzago gutimisela a guvbindra uye a phangago lidhoropa.

Mavingu 17:14

Guphela nya guganedzisane gukhwatshi guphusuga nya mati nya tsongo wa guphela gutala; khu guralo, khuga u hongole na mu si gu pheli mayunga.

Mavingu 18:6

Magana ya muthu nya gipumbu ma gu wusa mayunga, likana laye la gu mu ranela dzimboma.

Mavingu 19:11

Muthu nya mapimo kha vbiredzeli gu goroga, wuzundzo waye, khu gutsetselela sihoso.

Mavingu 21:24

Muthu nya matshandza ni lunya; khu wule a dzi khusedzago ni gu vega vbavbatshi vakwawe.

Mavingu 26:17

Gu dzi bedzedzela mahunguni nyamba mati, gu fanana ni uye a molago yimbwa khu dzindzeve.

Vaefeso 4:32

Khalani vathu nya ndruda, mu pwelana wusiwana, mu tsetselelana khu gyanu, kha nga Nungungulu a mi tsetseledego khu ga Kristo.

Jakobe 3:14

Aholu, mwa gu khala lidiwo, likhulo ni wugundreli myonyoni gwanu, mu nga liphi gukhenu mu na ni guti.

Jakobe 4:1

Ma guta khu hayi mayunga ni guhambana vbakari gwanu? Ma guta khu gunavela nya guvivbe gu dwanago gikhati gyatshavbo sivbangoni gwanu.