Mavingu 2:22 - Bhibhiliya Nya Guage

²² aholu va nya guvivbedwa khu monyo, va na fuviswa mafuni, ni vasengedzeli va na mbembiswa.

Mavingu 2:22 Iomraidhean Croise

1 Dzipfhumu 14:14

Aholu Pfhumu Nungungulu a na wusa tigoni ga Israyeli, mufumeli a na gu tshiphisago nyumba ya Jerobhowamo khu litshigu limwedo! Aholu isoso si na girega kamwe olu.

1 Dzikoronika 10:13

A di fisa kharato Sawule khu kotani nya gighoho a giridego ga Pfhumu Nungungulu, khu kotani nyamba landrisa magana ya Pfhumu Nungungulu, ni guya wudzisa ni gu lomba gu phaswa khu muloli nya dzisolo,

Joba 21:30

Nya gupwani muthu nya gighohi a ngu vbuluga litshigu nya mhango, a tsetseledwa litshigu nya likhulo la Nungungulu, gani?

Dzindzimo 104:35

Sighohi si na fuviswe mafuni momu, ni va nya guvivba va nga manegi gambe, Uwe hefemulo wangu bonga Pfhumu Nungungulu. Bongani Pfhumu Nungungulu.

Dzindzimo 145:20

Pfhumu Nungungulu a ngu vhikela vatshavbo va mu golago: Aholu vatshavbo va nya guvivbedwa khu monyo va na mbembiswa.

Dzindzimo 37:20

Khu guralo, va nya guvivba va na mbemba, ni valala va Pfhumu Nungungulu, va na wu na nga mwasi wa panini, va na mwalalega nga wutshi.

Dzindzimo 37:22

Avo va kategiswago khu Pfhumu Nungungulu, va na fumela litigo, avo va vadwago khuye va na mbemba.

Dzindzimo 37:28

kholu Pfhumu Nungungulu a gu gola gululama, gima kha digi avo va khodwago gwaye; a na va vhikela gikhati gyatshavbo, aholu livelego nya vathu nya guvivbe li na mbembiswa.

Dzindzimo 52:5

A nuye Nungungulu a na gu mbembisa kala gupindruga; a na gu dzega a gu tutumisa nyumbani gwaye a gu fuvisa tigoni nya vathu nya guvbanye.

Dzindzimo 52:7

“Wonani muthu a ngamba tumba Nungungulu kha nga muvhikeli waye; aholu a nga bani a tumba talo nya dzithomba dzaye, a dzi tiyisa khu wukanganyisi waye!”

Mavingu 10:30

Muthu nya gululame gima kha na kutsungwa khu gilo, aholu avo nya guvivbedwe khu monyo, kha va na khala mafuni momu.

Mavingu 11:3

Gutumbega ga valulamidego gu na va hetedza, aholu manyala ya sighohi, ma gu va mbembisa.

Dhewuteronome 29:20

Pfhumu Nungungulu a na mu phawusa a mu vega phuvbo, ga mahundzu yatshavbo ya na Israyeli, gasi a thegedwa khu mabango ni sivalo nya gidzumeledzwano gegi si lovidwego Libhukuni momu nya Nayo.

Dhewuteronome 29:28

Silo si sihadego sa gu lumba Pfhumu Nungungulu wathu, aholu iso nya guwonege sa gu lumba ethu gikhati gyatshavbo gumogo ni sanana sathu, gasi hi kodza gu landrisa magana yatshavbo nya Nayo yoyu.

Dhewuteronome 7:22

Pfhumu Nungungulu wago, a na ndreyisa hwindzo vbadugwana vbadugwana, mayigo yaya, mbeli gwago; khu na va mbembisa vatshavbo va vbela khu gumogo, kholu sirengo sa khabini si nga velegelana si gu wugela.