Mavingu 19:21 - Bhibhiliya Nya Guage

²¹ Monyoni ga muthu momo makungo nya mangi, aholu iso si tiyidego, khiso Pfhumu Nungungulu a fungidego.

Mavingu 19:21 Iomraidhean Croise

Genesi 50:20

Enu khu lisine, mu nyi giredeni gikungo nya guvivbe; aholu Nungungulu a gi vbindrugedzide a gi gira nya gyadi gasi gu manega nya sadi, kha nga olu mu si wonago, gasi vathu nya vangi va kodze guvbanyiswa.

2 Samuweli 17:14

Abhisalamo ni vatshavbo va na Israyeli, va dipwa gikungo gya Husayi Muaraki nari gyadi gu vbindra gya Ayitofeli. Kholu Pfhumu Nungungulu a di gode gukhuye gi fuviswa gikungo nya gyadi gya Ayitofeli, gasi Abhisalamo a kodze gu thegedwa khu libango.

Joba 23:13

A gu pimisa gu gira gilo, khu mani a dzi kodzago gu mu ganedza? Uye iso a si golago, a gu gira.

Dzindzimo 21:11

Ambari va nga gu girela matshoho, va luga makungo, kha va na gira gilo;

Dzindzimo 83:4

Vari, khavo: “Deluni, hongoleni hi fuvise vathu va na Israyeli, gasi lina lawe li futwa muphelo li si alakanywi gambe.”

Mavingu 12:2

Muthu nya wadi a gu tsakisa Pfhumu Nungungulu, aholu Uye a ngu tsayisa uye nya guvivbedwe khu monyo.

Mavingu 16:1

Muthu khuye a lugago makungo khu monyoni gwaye, aholu phindrulo nya lisine ya guta khu ga Pfhumu Nungungulu.

Mavingu 16:9

Khu monyoni gwaye muthu a ngu pimisa umo a vbwetago guya umo, aholu Pfhumu Nungungulu khuye a mu yeyedzago ndzila.

Mavingu 19:22

Igyo gi mburisago muthu khu wuhindzi, I tshukwana gu khala gisiwana guvbindra gu khala muthu nya malipha.

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Muhevbudzi 7:29

Iso nyi si manidego basi khesi: Nungungulu a di gira muthu nya gululame, aholu uye a di dzi vbwetela dzimbe dzindzila nya guwegele.

Isaya 14:24

Pfhumu Nungungulu nya Tshivba Yatshavbo, a di sambanya, khuye: Makungo yaya nyi ma pimisidego, ma na tadzisega, ni esi nyi hungidego, si na girega.

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Jeremiya 44:29

Pfhumu Nungungulu a ngu ganela, khuye: Eyi yi na bani yiri ndzila nya gu yeyedze ga enu nyi na gu mi tsayisago ga wulanga wowu, gasi mu dziti nya gukhenu magana yangu ma ngu tadzisega, khu gu wonani libango li na gu thegelago vbatshani gwanu.

Ezekiyeli 20:32

Enu mwa gu ganela, khenu: Ha guvbweta gu gira nethu kha nga vathu nya mayigo yatshavbo, va dzi girelago vanungungulu nya misimbo ni siwindri. Aholu isoso mu si pimisago, gima kha si na nga girega.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

1 Pedro 2:8

Gambe giwindri gi na gu tshunganisago vathu; giwindri gi na gu va thesago. Avo va tshunganede kholu va ngamba khodwa khu Mahungu, khiso si dongisedwego avo.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.