Mavingu 19:2 - Bhibhiliya Nya Guage

² Mahingigedzo nyamba phela khu gupimisa kha ma phasi gilo, gututuma guvbindrwa khu gu gimbila khu gwadi.

Mavingu 19:2 Iomraidhean Croise

2 Dzipfhumu 4:39

Khavbo avbo, moyo wawe a di hongola mahangeni guya hava tongwe, a diya mana nganga a hava dzikhanga dzaye a dzi fumbela mwendrani gwaye, ata dzi pilela a thela khalini nya guhodze; aholu uye a di si dziti.

Joba 31:5

Nya gu bani nyi dzegide ndzila nya malipha, ni gu mwendro ngondro wangu wu vbiredzide guya muwudambaneni;

Mavingu 1:16

Kholu avo va gu tutumela umo nya guvivbe, va vbiredzela gu vbaladza novba.

Mavingu 10:21

Magana ma dugago khu kanani ga muthu nya gululame, ma ngu hodzisa vathu nya vangi, aholu sipumbu sa gufa khu gumbana mapimo.

Mavingu 14:29

Muthu nya litimiselo a na ni mapimo, aholu uye nya gihafane a gu vbiredzela gu yeyedza wupumbu waye.

Mavingu 21:5

Makungo ya muthu a gu ma pimisa gwadi, ma na mu ninga mihandro, aholu ayo nya gu ma dongisele khu guvbiredza, kha ma bhindzuli gilo.

Mavingu 25:8

Wa gu wona silo, u nga vbiredzeli guya ketsari, kholu muakelane wago a gu danga, u na khuwe ginani?

Mavingu 28:20

Muthu a tumbegidego a na tala khu makategwa, aholu uye a vbwetago gufuma khu givbiredza, gima kha na hamuga tsayiso.

Mavingu 28:22

Muthu nya ligungo a gu tutumela gufuma, aholu kha dziti gukhuye a na khala gisiwana.

Mavingu 29:20

U ngu mu wona muthu nya guvbiredzele gu ganela, gani? I tshukwana muthu nya gipumbu, guvbindra uyoyo.

Muhevbudzi 12:9

Muhevbudzi vbatshani nya gu bani ari muthu nya guti, a di hevbudza vathu wugengeli. A di hevbula gwadi, a tugula ni gu sasamedza mavingu nya mangi.

Muhevbudzi 7:9

U nga vbiredzeli gu goroga, kholu, likhulo lomo myonyoni nya sipumbu.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 28:16

Khu guralo, Mune Pfhumu Nungungulu a ngu ganela kharati, khuye: Wonani nyi vegide Siyoni giwindri nya giseketelo gi tiyidego, a gu giwindri nya gutiye ni wumburi, uye a khodwago gwaye, gima kha na khala hwanga.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Johane 16:3

Va na gira kharato kholu kha va muti, Babe wangu ni eni.

Varoma 10:2

Kholu nyi ngu dzi kodza gu va emela nyi fakaza gukheni avo va ngu dzi garadza ngudzu khu silo sa Nungungulu. Nombo basi khu gu va gu dzi garadzela wukhumuni,

Vafilipi 1:9

Egi nyi lombago ga Nungungulu khu gukheni lihaladzo lanu li na andre khu guti ni mapimo.