Mavingu 19:16 - Bhibhiliya Nya Guage

¹⁶ Uye a vegedzago milayo a gu sayisa womi waye; aholu uye a gumba dzumela sileletelo, a gu dzi vangela lufu.

Mavingu 19:16 Iomraidhean Croise

Joba 5:2

Gipumbu gi nafa khu giviti gyaye, ni ngara a na mbemba khu gumbana mapimo.

Dzindzimo 103:18

ga vale va sayisago gidzumeledzwano gyaye, va si divaligo gu landrisa milayo yaye.

Mavingu 13:13

Uye a venganago ni guhevbudzwa a gu dzi vangela lufu; aholu uye a landrisago nayo, a na mana tshatshazelo.

Mavingu 15:32

Uye a si dzumeligo gu kawukwa, a gu dzi nyenya uye mune wurumba; aholu uye a dzumelago gu laywa, a gu mana wugengeli.

Mavingu 16:17

Ndzila ya valulamidego khu gu duga guvivbani, uye a vegedzago ndzila yaye, a gu sayisa hefemulo waye.

Mavingu 21:16

Muthu a ndreyago ndzilani nya mapimo, a naya tshanganiswa gumogo ni vale va guromo phalani nya lufu.

Mavingu 21:23

Uye a vegedzago likana ni lidimi laye, a gu sayisa womi waye sigaradzoni.

Mavingu 22:5

Ndzila ya muthu nya mavbanyelo nya guvivbe yi na ni miba ni mazinga, aholu uye a sayisago womi waye, a gu khala hwindzo nayo.

Mavingu 29:18

Avbo gu gu mwalo gutuledwa ga Nungungulu, gu mwalo Nayo, aholu kategide uye a sayisago Nayo.

Mavingu 3:1

Mwanangu, u nga divali nayo wangu, aholu vega monyoni gwago sirumo sangu,

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Muhevbudzi 8:5

Uye a landrisago milayo, gima kha na wona guvivba; muthu nya guti, a ngu giti gikhati ni magirelo.

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Ezekiyeli 33:5

Kholu uye pwide gudzuma nya pundru, aholu a si khathali khu iso; uye a na rwala nandru nya lufu laye; kholu nari gupwani a di khathade khu gitiviso, uye na vbulugiside womi waye.

Matewu 16:26

Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?

Luka 10:28

Jesu a di mu embela, khuye: “U hakhide gwadi. Gira kharato, u na vbanya.”

Luka 11:28

Aholu Jesu a di hakha, khuye: “Indra, khuwe: Va kategide avo va pwago magana ya Nungungulu, va ma landrisa.”

Johane 14:15

“Mwa gu nyi gola, mu na vegedza milayo yangu.

1 Vakorinto 7:19

Gu hana wugwera khandri gilo, gumba hana wugwera gambe khandri gilo. Igyo gi gu igyo khu gu landrisa milayo ya Nungungulu.

1 Johane 3:22

Ethu hi ngu hakha gwaye satshavbo esi hi lombago, kholu hi ngu yingisa milayo yaye, ni gu gira esi si mu tsakisago.

1 Johane 5:3

Kholu guhaladza Nungungulu khu gu sayisa milayo yaye; milayo yaye kha yi garadzi gu yi landrisa.

Gutuledwa 22:14

Va kategide vale va handzago dzingandzu dzawe novbani ga Nvutana, va fela gu mana fanelo nya guhodze simbo nya womi gasi va kodze gu bela khu myanya ya dhoropani.