Mavingu 19:14 - Bhibhiliya Nya Guage

¹⁴ Nyumba ni gutala nya silo, thomba hi tshiyedwago khu vavelegi, gasi gu mana nyamayi nya mapimo giningwa gya Pfhumu Nungungulu.

Mavingu 19:14 Iomraidhean Croise

Genesi 24:44

uye a gu nyi hakha, khuye: Sela, nyi na ya rega gambe mati nyi ta sedza dzingameriya dzago, khuye Pfhumu Nungungulu a mu hathidego gu khala mwangadzi wa gyanana gya mune wangu.

Genesi 24:7

Pfhumu Nungungulu wa ndzadzini a nyi dusidego ndrangani ga babe wangu ni tigoni gwangu nya mavelego, a nyi embede, a sambanya gwangu khuye a na ninga litigo leli ga sanana sangu, Uye a na rumela ngilozi yaye mbeli gwago, a na resa nyamayi a na khalago mwangadzi wa gyanana gyangu.

Mavingu 13:22

Muthu nya wadi a gu tshiyela thomba vatugulu vaye, gasi iyo nya sighohi, ya gu tshalela va nya gululama.

Mavingu 18:22

Uye a manago nyamayi a manide litsako, a manide makategwa ya Pfhumu Nungungulu.

Mavingu 3:6

Alakanya Uye dzindzilani gwago gwatshavbo, Uye a na lulamisa dzindzila dzago.

2 Vakorinto 12:14

Nyi dzi emisede guta nya wuraru iyo gwanu. Ambari ulo kha nyi vbweti guta mi lemedzani. Eni nya guvbweta enu basi, kha nyi vbweti esi si gu sanu. Kholu khandri sanana si vegelago vavelegi, khu vavelegi va vegelago sanana.

Dhewuteronome 21:16

litshigu a kabanisago thomba ga sanana saye, a nga tshuki a dzega fanelo nya matiwula a ningela ga gyanana gya wule nya gu mu gole mbeli ga uye a si mu goligo.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Josuwa 11:23

Khu guralo, Josuwa a di khozisa tigoni gwatshavbo, kha nga idzo Pfhumu Nungungulu a nga leletelago khidzo Mosi; khu guralo, Josuwa a di li ningela li khala thomba ya na Israyeli, va kabaniswa mayelano khu lihundzu lawe. Khavbo avbo, tigoni gu di manega gurula.

1 Samuweli 25:3

Lina la mwama yoyo a diri uye Nabhali, mwangadzi waye a diri uye Abhigayili. Nyamayi yoyu a di gengede ni gumbura; aholu mwama waye a diri muthu nya makolo ni dzihanyi; nari wa nyumbani ga Kalebi.