Mavingu 18:22 - Bhibhiliya Nya Guage

²² Uye a manago nyamayi a manide litsako, a manide makategwa ya Pfhumu Nungungulu.

Mavingu 18:22 Iomraidhean Croise

Genesi 2:18

Pfhumu Nungungulu a di engedza gambe, khuye: “Khandri gwadi mwama gu khala ekha. Nyi na mu girela mubangaladzi nya idzosaye ni uye.”

Genesi 24:67

Khu vbale, Isaki a di dzega Rebheka a mu bedza tshatshani ga mayi waye Sara, a mu hakha kha nga mwangadzi waye, a mu haladza. Isaki a di tangadziswa kharati hwane nya gufe ga mayi waye.

Genesi 29:28

Jakobe a di gira kharato. Guvbelani nya semana nya buzo, Laboni a di mu ninga mwanaye Rakeli, a khala mwangadzi waye.

Mavingu 12:4

Nyamayi nya ndruda, gihugu nya wufumu hungoni ga mwama waye, aholu uye a thelago dzitshoni mwama waye, madwali ma hinisago sikongolo saye.

Mavingu 19:14

Nyumba ni gutala nya silo, thomba hi tshiyedwago khu vavelegi, gasi gu mana nyamayi nya mapimo giningwa gya Pfhumu Nungungulu.

Mavingu 3:4

Khu guralo, u na mana gukatega ni mapimo nya yadi mbeli ga Nungungulu ni ga vathu.

Mavingu 8:35

Kholu uye a na nyi manago, a na mana guvbanya, a na mana makategwa ga Pfhumu Nungungulu.

Muhevbudzi 9:9

Vbanya khu gutsaka ni mwangadzi wago u mu haladzago, matshigu yatshavbo nya gurole u ningidwego khu Nungungulu mafuni momu.

Hoseya 12:12

Jakobe thavede khabini ga Siriya, Israyeli a diya dzi gira githumi nya guhavise dzinvuta, afela gu mana nyamayi.

1 Vakorinto 7:2

Aholu khu kota nya wubhayi, mwama ni mwama a na khale ni mwangadzi waye, nyamayi ni nyamayi nuye ni mwama waye.

Rute 4:10

nyi ngu dzega gambe Rute, nya lifumbu la Mowabhi, ngadza Maloni a khala mwangadzi wangu, gasi nyi wusa lina laye thombani gwaye, gasi lina laye li si fuvi vbakari ga vandriyaye, ni vbakari nya tshangano nya vandruye; enu muhuno mu dzifakazi.”