Mavingu 18:12 - Bhibhiliya Nya Guage

¹² Monyo nya muthu, wu si gu thegedwi khu mhango, wa gu dzi khusedza ngudzu, aholu wuzundzo gu wu mana khu gu dzi nogisa.

Mavingu 18:12 Iomraidhean Croise

1 Dzipfhumu 3:7

Gasi olu, uwe Pfhumu Nungungulu wangu, khuwe u giridego githumi gyago gi fuma wulangani ga babe wangu Dhavhidhe; aholu, eni nyi ngari gyanana gidugwana nyambana wugengeli, kha nyi dziti gukheni nyi na bela ni gu duga kharini.

Mavingu 11:2

Avbo gu guromo matshandza, dzomo gambe dzitshoni, aholu ga avo va dzi nogisago, gomo guti.

Mavingu 15:33

Guthava Pfhumu Nungungulu gihevbudzo nya guti, gu dzi nogisa gu gomo wuzundzo.

Mavingu 16:18

Matshandza ma gu rana libango, ni gu dzi khusedza gwa gu thangela lufu.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Ezekiyeli 28:9

Ina u na ganela mbeli ga wule a na gu songago, khuwe: Eni kheni Nungungulu, gani? Kholu uwe mandzani ga vale va gu songago, u muthu basi, khuri Nungungulu.

Ezekiyeli 29:9

Litigo la Egipito li na khungumudwa li khala giwula; khavbo va na dzitigo gukhavo Eni kheni Pfhumu Nungungulu.

Dhaniyeli 9:20

Na nyi nga guganela ni gu lombelela, nyi dawulela sighoho sangu ni sighoho sa vathu vangu va na Israyeli, nyi resa gilombo gyangu ga Pfhumu Nungungulu wangu, khu kotani nya gigomo gyaye nya gukatege,

Dhaniyeli 9:23

Guphelani nya milombelo yago, Nungungulu a gu ningide phindrulo, eni olu nya guta gu tivisa, kholu uwe u gigodwa. Khu guralo, olu yingisa esi nyi gu embelago gasi u wuti gwadi tshamuselo nya giwoniso.

Luka 14:11

Kholu watshavbo muthu a dzi khusedzago a na vbwasamiswa, gasi uye a dzi vbwasamisago a na khusedzwa.”

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”