Mavingu 18:10 - Bhibhiliya Nya Guage

¹⁰ Lina la Pfhumu Nungungulu likhokhola li tiyidego va sihalago avbo vathu nya gululame.

Mavingu 18:10 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 32:11

Khu wuhindzi wago, nyi vbulugise mandzani ga ndriyangu Esawu, kholu nyi ngu thava gu dhumedwa khuye a nyi songa eni gumogo ni vanyamayi ni sanana.

2 Samuweli 22:2

Dhavhidhe a di ganela, khuye: “Pfhumu Nungungulu giwindri ni likhokhola langu, khuye muvbanyisi wangu;

2 Samuweli 22:3

Nungungulu wangu, giwindri gyangu nyi thavelago avbo; khuye gitshangu gyangu, tshivba nya guvbanyiswe gwangu; ni likhokhola langu li khusegidego Ama muvbanyisi wangu, u nyi vbanyiside, vbakari nya pfilupfilu.

2 Samuweli 22:51

Uye a ngu ninga gupala mufumeli waye, a ngu phara gihathwa gyaye khu lihaladzo, khu kotani ya Dhavhidhe ni sanana saye kala gupindruga.”

Dzindzimo 144:2

uye khuye mutangadzisi, likhokhola ni wuthavelo wangu; khuye mudzegisi ni muvhikeli wangu nya gu mu tumbe, khuye a nyi ningago tshivba nya gufumele wathu.

Dzindzimo 18:2

Pfhumu Nungungulu, givhikelo gyangu, likhokhola langu, mudzegisi wangu; nyi ngu thavela gwaye, muvhikeli wangu, gitshangu ni tshivba nya guvbanyiswe gwangu, langwe yangu nya gutiye, wuthavelo wangu.

Dzindzimo 20:2

Khu nyumbani nya guage a na gu rumele giphaso, a gu phara gwadi gukhugela Siyoni!

Dzindzimo 27:1

Pfhumu Nungungulu khuye wenengedzo ni guvbanyiswa gwangu; nyi na thava mani? Pfhumu Nungungulu muvhikeli nya guvbanye gwangu; nyi na thava mani?

Dzindzimo 91:14

Kholu Pfhumu Nungungulu wari, khuye: “Kha nga olu a nyi golago, Nyi na mu tshudzisa nyi mu sayisa khu lihaladzo, kholu a ngu liti lina langu.

Dzindzimo 91:2

a na rungudza Pfhumu Nungungulu, khuye: Uwe Nungungulu wangu, u wuthavelo wangu, u likhokhola langu, U Nungungulu wangu nya gu gutumbe.

Ekisodha 6:3

Nyi dzi wonegiside ga Abrahama, ga Isaki ni ga Jakobe, kha nga Nungungulu nya Tshivba Yatshavbo, aholu, khu lina langu nya Pfhumu Nungungulu kha nya tidwa gwadi.

Mavingu 14:26

Gu ninga githawo Pfhumu Nungungulu gu na ni tshivba ni gutumba, sanana saye si na mana wulanga nya guthavele umo.

Mavingu 29:25

Guthava muthu gu dzi dembela naphwi, aholu uye thavago Pfhumu Nungungulu, a na mana guvbanya.

Isaya 26:4

Tumbani Pfhumu Nungungulu khavbo gu si vbeligo; kholu Pfhumu Nungungulu, khuye giwindri nya gusihale avbo, kala gupindruga.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 9:6

Kholu hi velegedwe gyanana, hi ningidwe gyanana nya gikhwathana; wufumu womo magatani gwaye; ni lina laye li na ranwa pwani: “Singalagadzi nya Guliwugise, Nungungulu nya Tshivba, Babe nya Gupindruge, Pfhumu nya Gurule.”

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Habhakuka 3:19

Pfhumu Nungungulu, khuye tshivba yangu ni guvbanyiswa gwangu, a na vbindrugedza migondro yangu yi fanana ni ya dziyisya, a na nyi gimbidzisa sigomoni gwangu. (Ga muthuledzeli umo nya sitendre sangu nya wutsendze.)

Matewu 1:23

“Dzitini nya gukhenu gyagadzyana nya mbiri gi na khura mimba, gi velega gyanana nya gikhwathana gi na ranwago gupwani khigyo Emanuweli” (gu tshamusago, gupwani: “Nungungulu womo vbakari gwathu.”)

Gutuledwa 1:8

Pfhumu Nungungulu wari, khuye: “Kheni Alfa ni Omega! Wule a gu Uye, a nga bani ari Uye, wule a na tago; a gu uye Nungungulu nya Tshivba Yatshavbo.”

1 Samuweli 17:45

Khu guralo, Dhavhidhe a di embela Mufilisitiya, khuye: “Uwe wa guta gwangu u ta nyi dwanisa na wuri ni litshari, ni giholoma gumogo ni sighalala nya sugu, aholu eni nya guta gwago khu lina la Pfhumu Nungungulu nya Tshivba Yatshavbo, Nungungulu nya Dzitshivba dza Israyeli, Uye uwe u mu vadego.

1 Samuweli 30:6

Dhavhidhe a di vbisega ngudzu, kholu vathu va di gu ganela khu gu mu pfara khu siwindri, kholu vatshavbo va di guvbisegide ngudzu khu mahungu nya sanana sawe nya sikhwathana ni vanyamahegyane vawe; aholu Dhavhidhe a di dzi tiyisela khu tshivba ya Pfhumu Nungungulu waye.