Mavingu 17:8 - Bhibhiliya Nya Guage

⁸ Gu rengeledwa, muthu a gu gu wona kha nga gilo nya lisima, na gu tumba gukhuye ni evbini a belago a na dugelela.

Mavingu 17:8 Iomraidhean Croise

Genesi 32:14

Mazana mavili dziphongo nya migadzi ni magumavili vamabhongwe; mazana mavili dzinvuta, ni magumavili dzihamba.

Genesi 32:21

Khavbo avbo, miningelo yi di thanga mbeli gwaye; Jakobe a di pila wutshigu wowo wughoveloni gwaye.

Genesi 43:11

Babe waye, Israyeli, a di khuye gwawe: “A gu bani ari kharato, ma tshambide! Girani, kharati: Thelani somboni gwanu mihandro yile nya yadi ya tigoni gwathu mu ya ningani mwama yoyo kha nga ndruwo: Mafura, wulombe, mafura nya gunungele, dzimendrwa, mavbudzu ni dzikarusu.

Dzindzimo 18:16

Khu vbatshani a guromo iyo, a di rumela guta nyi dzega, a nyi dusa khu matini nya mwedzi nya tshivba.

Dzindzimo 19:6

Ilo la gu wonega mahegiso ga Khugadambo, li hegisa liendro laye mahegiso ga Muhwadambo, gi mwalo gilo gi si furumedzwigo khu lihani laye.

Dzindzimo 21:13

Khuga khu tshivba yago Pfhumu Nungungulu, ethu khu dzingoma ni dzindzimo hi na rungudza tshivba yago.

Dzindzimo 29:4

Lito la Pfhumu Nungungulu li ngu pwala khu tshivba; lito la Pfhumu Nungungulu li ngu pwala gungangamelani.

Ekisodha 23:8

U nga dzumeli gu rengeledwa khu dzisagwati, kholu sagwati yi ngu sega maho ya ava va wonago, yi wuya yi wegedza mahungu phathani ya ava va lulamidego.

Mavingu 17:23

Muthu nya guvivbedwe khu monyo a gu dzumela gu rengeledwa gusihalani, gasi a si lamuli khu lisine.

Mavingu 18:16

Avo va ningelago dzisagwati va gu tula dzindzila, dzi kodzago gu vboha kala ga vakhongolo nya vathu.

Mavingu 21:14

Ningelo nya gisihaledza wa gu bosisa likhulo, ni sihiwa si ningedwago khu misihalo, si ngu bosisa likhulo nya likhongolo.

Muhevbudzi 7:7

Dzitshanisa dza gu khunguvanyisa ni vagengeli, ni mifidho ya gu ghoha myonyo nya vathu.

Isaya 1:23

Manganagana yago vaganedzi, gambe dzipari nya dzimbafa; vatshavbo va gu dzumela gu rengeledwa khu dzitsapawu, va gu khatalela gu hakha sihiwa. Kha va vhikeli sigulungu, gambe kha va vhikeli dzifanelo nya dzinoni.

Amosi 5:12

Kholu nyi ngu guti guvivba gwanu gukheni gungi, ni sihoso sanu si tade; enu mwa gu tshanisa muthu nya gululame, mu dzumela gu rengeledwa, mu hembulula vahamugi miphathani.

Mikeya 7:3

Mandza yawe ma dzi emisede gasi gu gira guvivba; vathangeli va gu lomba siningwa, mulamuli a gu dzumela gu rengeledwa, va nya guthavisega va gu ganela khu manavelo ya monyoni gwawe, khu magirelo yaya, vatshavbo vadzuwungeli.

Dhewuteronome 16:19

U nga hambanisi wulamuli, u nga hatheli vathu, ambari gu rengeledwa; kholu wurengeleli wu ngu sega maho ya va nya guti, gambe wu ngu ndreyisa mahungu ya va nya gululama.

1 Samuweli 25:35

Khavbo avbo, Dhavhidhe a di hakha khu mandzani ga Abhigayili, iso a nga bani a mu resela a mu embela, khuye: “Bwelela gaya gwago khu gurula; nyi pwide gilombo gyago nyi ngu gu tsetselela.”