Mavingu 17:3 - Bhibhiliya Nya Guage

³ Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Mavingu 17:3 Iomraidhean Croise

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Joba 23:10

Aholu Uye a ngu yiti ndzila yangu; umo nyi gimbilago khumo, a gu nyi linga, nyi na fanana ni ndralama.

Joba 28:1

“Lisine, hi ngu dziti gukhethu, womo wulanga gu duswago umo parata, ni umo yi nyiviligiswago umo ndralama.

Dzindzimo 139:23

Nyi khedzise gwadi, uwe Nungungulu; nyi linge uti mapimo yangu;

Dzindzimo 26:2

Nyi khedzise, Pfhumu Nungungulu, nyi linge, wona gugola nya monyo wangu ni mipimiso yangu;

Dzindzimo 66:10

Kholu uwe Nungungulu u hi lingide, u hi agisa kha nga idzo yi agiswago khidzo parata.

Mavingu 15:11

Pfhumu Nungungulu a ngu wona ambari ni iso si guromo vbavbatshi phalani nya guete nya lithowo, a nga padwa khu ginani gu wona iso si guromo myonyoni nya vathu!

Mavingu 16:2

Satshavbo iso muthu a girago mapimoni gwaye, a gu si wona na si agide, aholu Pfhumu Nungungulu a gu khedza mipimiso yaye.

Mavingu 17:2

Githumi nya gugengele, gi na fumela mwamana a thesago dzitshoni nyehe waye, gi na kabana thomba gumogo ni vandriyaye.

Mavingu 21:2

Dzindzila dzatshavbo muthu a gimbilago khidzo, guwonani gwaye wari khuye dzi lulamide, aholu Pfhumu Nungungulu khuye a khedzago monyo waye.

Mavingu 27:21

Ndralama ni parata sa gu nyiviligiswa khu nilo kharato nuye muthu a gu lingwa khu wuzundzo waye.

Isaya 48:10

Wona nya gukhuwe nyi gu hutide ambari u gu siri parata; nyi gu lingide umo nya nilo nya guthise.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Ezekiyeli 22:18

Mwamana wa muthu, ndranga ya Israyeli yi vbindrugedzide yi khala manyala avbo gwangu; vatshavbo va khade sugu, thovhu, simbi ni rikiso yi nyiviligiswago niloni; va khade manyelo nya parata.

Dhaniyeli 11:35

Aholu vambe va nya guti, va na songwa gasi gu lingwa, ni gu agiswa kala gikhati nya mahegiso, kholu guhegisa gu na vboha khu gikhati gi emisidwego.

Zakariya 13:9

Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Dhewuteronome 8:16

Khuye a nga gu ninga manaha mugiwulani u hodza ayo ma nga bani ma si tidwi khu vababe vanu; gasi gu gu tsayisa ni gu gu linga, gasi u kodze gu mu girela iso nya sadi.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.

1 Pedro 1:7

Silingo soso sa gu vbweta gu wonegisa gukhodwa gwanu nya lisine. Ambari ndralama a gu gilo gi fuvago, yi ngu lingedzedwa khu nilo; kharati nugo gukhodwa gwanu, gu na ni lisima ngudzu guvbindra ndralama, gu ngu yela gu lingwa gasi gu yeyedza gutiya gwanu. Khu kharato, mu na kodza gu hakha wuzundzo, ni wudhumo, ni rungudzo litshigu Jesu Kristo a na gu dzi wonegisago.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.