Mavingu 16:3 - Bhibhiliya Nya Guage

³ Tumba Pfhumu Nungungulu ga mithumo yago yatshavbo, gasi makungo yago ma na mana gudugelela.

Mavingu 16:3 Iomraidhean Croise

Joba 22:28

Wa gu vbweta gu gira gilo nya gukari, gi na gu dugela gwadi, dzindzilani gwago, u na wona safa nya wenengedzo.

Joba 5:8

Aholu eni, nyi na vbweta Nungungulu, nyi bikela gwaye sigaradzo sangu.

Dzindzimo 55:22

“Vega womi wago ga Pfhumu Nungungulu, uye a na gu sayisa; gima kha na dzumedzisa muthu nya gululame gu a thega vbavbatshi.”

Mavingu 3:6

Alakanya Uye dzindzilani gwago gwatshavbo, Uye a na lulamisa dzindzila dzago.

Luka 12:22

Khavbo avbo, Jesu a di embela vapizane vaye, khuye: “Khidzo kharato nyi mi embelago, kheni: Mu nga garadzegi khu guvbanya gwanu, na mu pimisa, khenu: Ginani hi na hodzago? Mwendro sanu khu givili gyanu, na mu pimisa, khenu: Ginani hi na gu ambalago?

Vafilipi 4:6

Mu nga garadzegi khu gilo. Omu nya milombelo yanu lombani esi mu si vbwetago ga Nungungulu, khu monyo nya gubonge.

1 Pedro 5:7

Vegani avbo gwaye sigaradzo sanu satshavbo, kholu uye a ngu mi khathalela.