Mavingu 16:19 - Bhibhiliya Nya Guage

¹⁹ I tshukhwana gu dzi nogisa u vbanya gumogo ni vathu nya gurule, guvbindra gu kabana silo nya guphangwe ni va nya matshandza.

Mavingu 16:19 Iomraidhean Croise

Dzindzimo 138:6

Ambari ulo Pfhumu Nungungulu a guromo vbatshani ngudzu, Uye a ngu yingisa avo va dzi sodzisago; va nya matshandza, a gu vati nari khu hwindzo.

Dzindzimo 34:18

Pfhumu Nungungulu womo vbafuvbi ga vale myonyo yawe yi vbisegago, a vbanyisa avo mihefemulo yawe yi khuvekidego.

Ekisodha 15:9

Nala a di khuye: Nyi na va tutumisa, nyi na va mola nyi va phanga; hefemulo wangu wu na khura khu avo, nyi na homola litshari langu nyi va mbembisa; nyi na va songa khu mandza yangu.

Mavingu 1:13

Hi na mana satshavbo nya sadi hi si vbwetago, hi tadza dzinyumba dzathu khiso nya guphangwe,

Mavingu 1:14

bela tsawani gwathu, kholu kwama wathu wu na bani wuri moyo.”

Mavingu 25:7

kholu gutshambide guranwa khu mufumeli gupwani: “Hidzimela eno,” guvbindra gupoyidwa mbeli ga mufumeli nya litigo.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Mavingu 3:34

Uye a na vala va tseketseli, a ninga tshivba avo va dzi nogisago.

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 53:12

Khu guralo, nyi na mu ninga vathu nya vangi, kha nga gipandre gyaye nya thomba, a na kabana phango gumogo ni sitetema; kholu a di ningela womi waye a songwa; a sayedwa gumogo ni sighohi, gikhati a rwadego sighoho sa vathu nya vangi, a di lombelela khu sighohi.

Isaya 57:15

Kholu a gu ganela kharati, wule a Khusegidego, a guromo vbatshani ngudzu, a vbanyago kala gupindruga; uye a gu ni lina li Agidego, khuye: “Eni nya gu vbanyela wulanga wu agidego wu guromo vbatshani ngudzu, aholu nya gu vbanya gambe gumogo ni avo va khuvekidego ni vale va vbedego tshivba, gasi gu tiyisa vale va vbedego tshivba ni gu tiyisa myonyo ya vale va khuvegidego.

Isaya 9:3

U andriside vathu vava, u engedzela gutsaka gwawe; va ngu nengela mbeli gwago, kha nga vale va tsakago guvbwerani, ni vale va kabanago silo va phangidego nyimbitunu.

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Valamuli 5:30

Ina kamwe khandri va gu kabanelana phango, gani? Mwama ni mwama, a kabaniswa nyamahegyane moyo mwendro vavili. Sisera a di ningwa phango nya myendra nya mavalavala nya mangi, myendra nya mavalavala nya gulugwe, phango nya mavalavala nya gulugwe maphuvbo mavili, nya gumburise thamoni ga mupali.