Mavingu 16:15 - Bhibhiliya Nya Guage

¹⁵ Gutshulega nya khovbe ya mufumeli gu yeyedza gupwani gomo guvbanya, wa gu tsakedwa khuye, gu fanana ni lipfhi li wisago ndzadzi nya guhegise.

Mavingu 16:15 Iomraidhean Croise

Dzindzimo 21:6

Ina, u mu vegide kha nga gikategiso kala gupindruga, u mu tadza khu gunengela mbeli gwago.

Dzindzimo 30:5

Kholu likhulo laye kha li hweli guvbindra; makategwa yaye ma gu pindruga gikhati gyatshavbo, vbasilambotunu, gu manega gililo, vbadzimindrutunu, gu wuga gutsaka.

Dzindzimo 4:6

Nya vangi vari, khavo: “Khu mani a na hi nonedzago gutsaka?” Pfhumu Nungungulu, hi wenengedze khu gungangamela nya khovbe yago.

Dzindzimo 72:6

Mufumeli a na khale nga ndzadzi yi wago wulimeni, a fanana ni ndzadzi yi thelago thomwa mafuni.

Mavingu 16:14

Likhulo la mufumeli la gu fanana ni mwango wu tivisago lufu, aholu vale va gengedego va ngu kodza gu li rudzisa.

Mavingu 19:12

Likhulo la mufumeli la gu fanana ni gubhonga nya nghala, gutsakedwa khuye gu fanana ni thondrwane mwasini.

Mavingu 29:26

Vathu nya vangi va gu vbweta gukhavo va godwe khu vafumeli, aholu Pfhumu Nungungulu khuye basi a lamulago vathu vatshavbo.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Zakariya 10:1

Lombani ndzadzi ga Pfhumu Nungungulu gikhatini nya gilimo, kholu Uye khuye a girago mabara ni gulasa ni gu wisa dzindzadzi nya dzikhongolo, yi nonisa wulime, a ninga ga moyo ni moyo mihandro ya thembweni gwaye.

Mithumo 2:28

U nyi tulede guti dzindzila nya guvbanye. U na nyi tadzisa khu gutsaka nya guwone khovbe yago.’