Mavingu 15:9 - Bhibhiliya Nya Guage

⁹ Ndzila ya muthu nya guvivbedwe khu monyo, manyala ga Pfhumu Nungungulu, kholu uye a gu gola uye a gimbilago khu ndzila nya gululame.

Mavingu 15:9 Iomraidhean Croise

Dzindzimo 1:6

Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.

Dzindzimo 11:7

Kholu Pfhumu Nungungulu lulamide, a gu gola gululama; va nya myonyo nya yadi, va na wona khovbe yaye.

Dzindzimo 139:24

u wona mwendro nyi ngu gimbila khu ndzila nya guvivbe u nyi gimbidzisa khu ndzila nya gupindruge.

Dzindzimo 5:5

Va nya matshandza, kha va tiyeli gu khedza khovbe yago. U ngu va nyenya vatshavbo va girago guvivba.

Mavingu 15:10

A ngu tsayisa khu tshivba uye a ndreyago ndzilani nya gululame, ni uye a bombago gu kawukwa, a nafa.

Mavingu 21:21

Uye a landrisago ndzila nya gululame ni wuhindzi, a na mana guvbanya, gululama ni wuzundzo.

Mavingu 21:4

Maho nya gu dzi khusedze ni monyo nya matshandza, mwenge wa va nya guvivbedwa khu monyo, gambe si ngu va ghohisa.

Mavingu 21:8

Muthu nya guvivbedwe khu monyo ndzila yaye yi wegede, gasi ya uye nya monyo wu agidego yi lulamide.

Mavingu 4:19

Aholu ndzila ya va nya guvivbedwa khu myonyo ya gu fanana ni gidema nya guthise, va gumba wona ni gilo gi va ghumulago.

Mavingu 8:13

Uye a thavago Pfhumu Nungungulu, a gu nyenya silo nya guvivbe; nyi ngu nyenyana ni matshandza, gu dzi khusedza, dzindzila nya guwegele, ni magana nya gunyenyeze.

Isaya 26:7

Ndzila ya wule a lulamidego khya lisine, uwe u lulamidego guvbindrisa, agisa ndzila ya vale va lulamidego.

Isaya 51:1

Nyi yingiseni, enu mu vbwetago gululama, enu mu vbwetago Pfhumu Nungungulu; wonani giwindri mu kokidwego mu duswa khavbo ni phagoni mu dusidwego khumo;

Isaya 51:7

Nyi yingiseni, enu mutigo gululama, enu vathu, myonyo yanu yi sayisago nayo wangu, mu nga thavi vale va mi poyilago, ambari guvbela tshivba va gu mi valani.

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Habhakuka 1:13

Maho yago ma agide ngudzu ma si goligo gu wona guvivba, ma si tsakiswigo khu gu wona dzitshanisa, khu ginani u wonago va nya guvivbedwa khu monyo u degula, avbo uye nya guvivbedwe khu monyo, a midzago oyu a mu vbindrago khu gululama, na?

Matewu 7:13

“Belani khu mwanya nya dugwana! Kholu ndzila yi yisago gumbembani yi anamide ngudzu; mwanya wakone nuwo. Nya vangi khavo va belago khiyo!

Dhewuteronome 7:13

Uye a na gu gola ni gu gu kategisa, a na gira melego wago wu andra; gambe a na kategisa sanana sago, ni mihandro ya tigoni gwago, dzimbewu dzago gumogo ni vbinyu yago; mafura yago, gumogo ni guvelegelana nya mitshambi yago nya dzimombe ni ya dzinvuta dzago, ga litigo eli, Pfhumu Nungungulu, khu gusambanya ga vababe vago a tumbisidego gu gu ninga.

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

2 Thimoti 2:22

Uwe u nga hengeli ni madzaha u dogorela esi nyamba yela. Vbweta lisine, ni gukhodwa ni lihaladzo ni gurula ga vatshavbo vale va lombelelago ga Pfhumu khu myonyo yi agidego.