Mavingu 15:5 - Bhibhiliya Nya Guage

⁵ Gipumbu kha gi khathali khu sihevbudzo sa babe waye, gasi uye a dzumelago gu kawukwa, muthu nya mapimo.

Mavingu 15:5 Iomraidhean Croise

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

Dzindzimo 141:5

Nya gu tsayiswa khu muthu nya gululame, nya gu wona nari gwadi ga eni, a gu nyi kawuka, gu na gira nga mafura nya gunungele gwadi, nyi thedwago hungoni gwangu. Aholu gima kha nya dzumela gu zundzwa khavo va girago guvivba, kholu kha nyi garali khu gu lombelela nyi dwana ni mithumo yawe nya guvivbe.

Mavingu 1:23

Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Mavingu 1:7

Gu thava Nungungulu khilo litshina nya guti, sipumbu sa gu nyenya guti ni sihevbudzo.

Mavingu 10:1

Gyanana nya guti, gya gu tsakisa babe wagyo, aholu igyo nya gipumbu gya gu swihadza mayi waye.

Mavingu 13:1

Gyanana nya guti gya gu yingisa sihevbudzo sa babe waye, aholu uye nya muhembululi, kha khathali khu gu kawukwa.

Mavingu 13:18

Uye a nyenyago gulaywa a na thegedwa khu dzitshoni ni wusiwana, gasi uye a dzumelago gukawukwa a na zundzega.

Mavingu 15:4

Malito nya gutsakise, simbo nya womi, aholu ayo nya gukhunguvanyse, ma gu vbedza tshivba hefemulo.

Mavingu 15:6

Ndrangani gwa muthu nya gululame, yomo thomba nya yingi, aholu tshatshazelo wa va nya guvivbedwa khu myonyo khu sikhunguvanyiso.

Mavingu 19:20

Yingisa gulaywa u dzumela sileletelo, u na hegisa khu gu khala muthu nya guti matshiguni matago.

Mavingu 25:12

Mulayi a layago khu wugengeli, ga muthu a yingisago, a gu fanana ni phera nya ndralama, mwendro wulungu nya ndralama yi hutidwego.

Mavingu 6:23

Kholu milayo kandriya, sihevbudzo i safa nya guwonegele, ni gukawukwa nya gululame, ndzila yi yisago guvbanyani;

Tito 1:13

Iso a ganedego lisine. Khu guralo, gu vbwetega u va kawuke khu tshivba gasi va fela gu tiya gukhodwani nya lisine;

Tito 2:15

Hevbudza silo sesi satshavbo, u laya ni gu kawuka khu tshivba yatshavbo u ningidwego. U nga dzumeli ni moyo a gu yeyisa.