Mavingu 15:25 - Bhibhiliya Nya Guage

²⁵ Pfhumu Nungungulu a ngu pfhungumula nyumba ya va nya matshandza; aholu a vhikela thomba ya noni.

Mavingu 15:25 Iomraidhean Croise

Joba 24:21

Va gu tshamisa nyamayi nya gyumba, va si khathali khu noni.

Dzindzimo 10:14

Aholu Uwe u ngu wona, guvbisega ni gutshaniseka, u si vega mandzani gwago. Uye a sanisekago a gu dzi ningela mandzani gwago; uwe khuwe u vhikelago khulungu.

Dzindzimo 138:6

Ambari ulo Pfhumu Nungungulu a guromo vbatshani ngudzu, Uye a ngu yingisa avo va dzi sodzisago; va nya matshandza, a gu vati nari khu hwindzo.

Dzindzimo 146:9

Pfhumu Nungungulu a ngu emela valuveli; a ngu tangadzisa dzikhulungu ni dzinoni, gambe a ngu segela dzindzila va nya guvivba.

Dzindzimo 52:1

Khu ginani u dzi zundza khu mithumo yago nya guvivbe, uwe u gu ni tshivba? Kholu wuwadi wa Nungungulu wu ngu simama kala gupindruga.

Dzindzimo 52:5

A nuye Nungungulu a na gu mbembisa kala gupindruga; a na gu dzega a gu tutumisa nyumbani gwaye a gu fuvisa tigoni nya vathu nya guvbanye.

Mavingu 12:7

Va nya guvivbedwa khu myonyo va na mbembiswa va fuva, aholu nyumba ya avo va lulamidego yi na simama yi tiya.

Mavingu 14:11

Nyumba ya vathu nya guvivbedwe khu monyo, yi na pfhungumudwa, aholu tshatsha wa vathu nya gululame, wu na tiya.

Mavingu 15:26

Makungo ya vathu nya guvivbedwe khu myonyo, ma nyenyezide mbeli ga Pfhumu Nungungulu, aholu Uye a gu tsakiswa khu magana nya vathu va agidego.

Mavingu 23:10

U nga tshuki u vbindrugedza mivbingano yi pandridwego gale, ambari gu dzegela dzikhulungu wulime wawe;

Isaya 1:17

Hevbulani gu gira ugo gu gu gwadi, vbwetani gu gira gululama, vbedzani dzitshanisa, kawukani vatshanisi; vhikelani fanelo nya khulungu ni fanelo nya dzinoni.

Isaya 2:12

Kholu Litshigu la Pfhumu, Nungungulu nya Tshivba Yatshavbo, li nata ga va nya matshandza ni ga va nya gu dzi khusedza, ni ga vatshavbo va nya gu dzi gugumugisa gasi va vbwasamiswa;

Jeremiya 5:28

Va enide, khu gu hodza gwadi, wuvivbi wawe wu vbindride pimo; kha va lamuli khu nongameto mahungu ya dzikhulungu; ambari gu vhikela fanelo nya sisiwana.

Dhaniyeli 5:20

Aholu avbo a nga phela gu dzi dandrisa, a di bangisa hungo waye wu tala khu matshandza, a di duswa vbagikhalotunu gwaye nya wufumu, a dzegedwa wudhumo waye.

Dhewuteronome 19:14

Malangani ma gu ya thomba yago, u nga vbindrugedzi mivbingano ya muakelane wago, yi vegidwego khu vagale vanu, ga litigo eli Pfhumu Nungungulu wago, a gu ningago gasi u li fumela.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

1 Pedro 5:5

Enu madzaha, yingisani vakhongolo. Thumelanani mwatshavbo khu gu dzi nogisa, kholu “Nungungulu a ngu vengana ni va nya gu dzi khusedza, aholu a ngu khusedza va nya gu dzi nogisa.”