Mavingu 15:21 - Bhibhiliya Nya Guage

²¹ Mapongowongo ma gu tsakisa sipumbu, gasi muthu nya mapimo a gu khedza umo a hongolago.

Mavingu 15:21 Iomraidhean Croise

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Mavingu 10:23

Gipumbu gya gu gira silo nya guvivbe khwatshi guhagana, aholu muthu nya gutale khu mapimo, a gu vbweta guti.

Mavingu 11:12

Uye a nyenyago muthu kwawe gipumbu, aholu uye a gengedego a gu degula saye.

Mavingu 14:16

Muthu nya mapimo a ngu thava a ndreya whindzo nya gihoso, aholu gipumbu gya gu dzi tumba gi hunisela.

Mavingu 14:8

Guti gwa muthu nya mapimo gwa gu mu layedza ndzila; gasi wupemi nya gipumbu wa gu mu kanganyisa.

Mavingu 14:9

Sipumbu sa gu tsaka khu gighoho, aholu mavbanyelo nya yadi, momo ga vathu nya gululame.

Mavingu 15:22

Avbo wu gu mwalo wusingalagadzi, makungo ma gu bwelela hwane, aholu avbo gu guromo madhota nya mangi, makungo ma gu duga gwadi.

Mavingu 4:25

Maho yago ma na khedze mbeli basi, u si khwavbigi ndzilani gwago u khedza phuvbo.

Mavingu 4:26

Khedza ndzila u gimbilago khiyo, dzindzila dzago dzatshavbo dzi na lulame!

Vaefeso 5:15

Khu kharato, vandriyangu, dzi woneleni guvbanyani gwanu. Mu nga vbanyi kha nga sipumbu, aholu kha nga vathu nya guti.

Jakobe 3:13

Womo muthu, vbakari gwanu, a gu ni guti ni mapimo, gani? A na dzi yeyedze khu mavbanyelo yaye nya yadi, ni mithumo ya yadi, khu gu dzi nogisa ni guti.