Mavingu 15:2 - Bhibhiliya Nya Guage

² Lidimi la va nya gugengela la gu mburisa guti, gasi magana ya va nya guvivbedwa khu monyo, ma gu gamba wupumbu.

Mavingu 15:2 Iomraidhean Croise

Dzindzimo 45:1

Monyo wangu wu ngu vbalagela khu magana nya gutsakise. Ndzimo yeyi nya gu yi embelela ga Mufumeli; lidimi langu tenga wa mulovi nya gusamadzise.

Dzindzimo 59:7

Va gu gamba liguvi nya ndzilo nya matshari khu maganani gwawe, na va gu alakanya gukhavo: “Mwalo muthu a va pwago.”

Mavingu 12:23

Muthu nya mapimo a gu siha guti gwaye, aholu gipumbu gya gu laledza wupumbu wagyo.

Mavingu 13:16

Muthu nya mapimo a gu thumisa guti, aholu gipumbu gya gulaledza guhandruga gwaye.

Mavingu 15:23

Muthu a gu tsaka khu gu ninga phindrulo nya yadi, mahungu ma gu ganedwa khidzo gu vbwetegago khidzo, ma gu tshamba ngudzu.

Mavingu 15:28

Muthu nya gululame a gu phela khu gu pimisa, khavbo a ningago phindrulo, aholu, khu kanani ga va nya guvivbedwa khu myonyo, gu duga mapongowongo nya gutale.

Mavingu 15:7

Khu maganani nya vathu nya gugengele, gu duga guti, gasi myonyo nya sipumbu kha yi giri kharato.

Mavingu 16:23

Muthu nya mapimo a gu ganela khu wugengeli, magana yaye ma gu tulela vathu va khodwa.

Mavingu 5:2

Khu kharato, u na kodza gu mana mano nya yadi, khu kanani gwago, gu na duga mapimo nya yadi.

Muhevbudzi 10:14

Gipumbu gya gu laphisa magana; gambe muthu a ngu hangwa khiso si tago khu mbeli; gasi khu mani a na gu mu embela iso si na gu mu dugelelago hwane gwaye?

Muhevbudzi 5:3

Kha nga dzindroro dzitago khu mithumo ya yingi, magana nya wupumbu ma gu pwala khu gu ganela ngudzu.

Isaya 50:4

Mune, Pfhumu Nungungulu a nyi hevbudzide iso nyi yelago gu ganela, gasi nyi kodza gu ganela gwadi ni vale va garadego. Matshigu yatshavbo, dzimindrudzile, a ngu nyi wusa a nyi tula dzindzeve, gasi nyi yingisa kha nga vale va hevbulago.