Mavingu 15:14 - Bhibhiliya Nya Guage

¹⁴ Monyo wa muthu nya mapimo, wa guvbweta guti, aholu khu kanani ga muthu nya gipumbu, gu duga mapongowongo.

Mavingu 15:14 Iomraidhean Croise

Dzindzimo 119:100

Nyi nguti guvbindra madhota, kholu nyi ngu vegisa sileletelo sago.

Dzindzimo 119:97

Oh! Idzo nyi wu golago khidzo nayo wago! Litshigu latshavbo nya gu alakanya uwo.

Mavingu 1:5

Muthu nya guti a gu mapwa, a gu engedzela mapimo, ni muthu nya guti a na mana milayo nya wuhevbudzi nya wadi,

Mavingu 12:23

Muthu nya mapimo a gu siha guti gwaye, aholu gipumbu gya gu laledza wupumbu wagyo.

Mavingu 15:15

Uye a guromo gutshanisekani, matshigu yatshavbo a gu ma wona na ma vivbide, aholu monyo wu tengidego, matshigu yatshavbo khya buzo.

Mavingu 18:15

Muthu nya mapimo a ngu gola guti, a gu tsakela gu mana sihevbudzo ga vathu nya mapimo.

Mavingu 9:9

Laya muthu a gu ni guti, kholu a na engedzela guti ngudzu, hevbudza muthu nya gululame, kholu a na engedzela guti gwaye.

Isaya 30:10

Avo va gu embela vama nya liwoni va tugulago misihalo, khavo: “Mu nga woni gambe siwoniso!” Va embela vaprofeti, khavo: Mu nga hi gireli siphrofeto nya lisine! Aholu hi embeleni iso si na gu hi tsakisago, profetani milotelote;

Isaya 44:20

Muthu nya kharato, a gu hodza nguma, a gu kanganyiswa ni gu dzimedzwa khu maalakanyo yaye; kha dzi kodzi guvbulugisa hefemulo waye, ambari gu ganela, khuye: “Esi nyi si pharidego khu mandzani gwangu ga nyamudye, ina khandri malipha, gani?”

Hoseya 12:1

Efrayimi a gu gimbidziswa khu liphuvbo, litshigu latshavbo, a gu landrisela liphuvbo li furugedzago khu Khugadambo, a engedzela malipha ni dzihanyi. A gira pwanano ni Asiriya, aholu a rumela dzisagwati nya mafura tigoni ga Egipito.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.