Mavingu 15:11 - Bhibhiliya Nya Guage

¹¹ Pfhumu Nungungulu a ngu wona ambari ni iso si guromo vbavbatshi phalani nya guete nya lithowo, a nga padwa khu ginani gu wona iso si guromo myonyoni nya vathu!

Mavingu 15:11 Iomraidhean Croise

2 Dzikoronika 6:30

khu guralo, Uwe nuri khu ndzadzini yoyo, wulangani gwago U khalago avbo, va tsetselele U ninga muthu ni muthu mayelano khu dzindzila dzaye, kholu khuwe basi utigo myonyo ya sanana nya vathu,

Joba 26:6

Kholu lithowo li tulegide mbeli ga Nungungulu, gimwalo gi kodzago gu fenengedza liphala la avo va mbembidego.

Dzindzimo 139:8

Nya gu gwela ndzadzini, uwe u womo iyoyo, nya gu relela tigoni nya vafi, uwe u womo iyoyo gambe.

Dzindzimo 44:21

ina Nungungulu a sa hi tugula gani, uye a yitigo misihalo ya myonyoni, gani?

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Mavingu 15:10

A ngu tsayisa khu tshivba uye a ndreyago ndzilani nya gululame, ni uye a bombago gu kawukwa, a nafa.

Mavingu 17:3

Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Mavingu 27:20

Gumbembiswa nya guhegise gumogo ni lithowo, gima kha si khuri, kharato nayo maho nya muthu, gima kha ma eneledwi.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Johane 21:17

A di mu wudzisa nya wuraru, khuye: “Simoni, mwamana wa Jona, ina kamwe u ngu nyi gola uwe?” Pedro a di garadzega, kholu a nga mu wudzisa nya wuraru, khuye: “U ngu nyi gola, gani?” A di mu hakha, khuye: “Pfhumu! U nguti satshavbo; u ngu dziti gwadi khuwe nyi ngu gu gola.” Jesu a di mu embela, khuye: “Havisa dzinvuta dzangu.

Mithumo 1:24

Khavbo avbo, va di gira nombelo, khavo: “Pfhumu, Uwe utigo monyo nya muthu ni muthu, wonegisa ga ava vavili khu wevbini uye u mu hathidego,

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Gutuledwa 1:18

Kheni wule a vbanyago. Nyi di fude, aholu olu nyi ngu vbanya kala gupindruga. Nyi na ni dzipfhungulo nya lufu nedzi nya litigo nya vafi.”

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

Gutuledwa 9:11

Mbasa yatshavbo yi di gu thangedwa khu pfhumu mweyo a gu ngilozi ya phalani. Khu Gihebheru ya gu ranwa “Abhadhoni” khu Gigereki “Apollion” gu tshamusago gupwani “Mumbembisi.”

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.