Mavingu 14:2 - Bhibhiliya Nya Guage

² Uye a gimbilago khu ndzila nya gululame a ngu thava Pfhumu Nungungulu, aholu uye a gimbilago khu ndzila nya guwegele, a gu mu nyenya.

Mavingu 14:2 Iomraidhean Croise

2 Samuweli 12:9

Khu ginani u nga yeyisago magana ya Pfhumu Nungungulu, u gira esi si vivbidego mahoni gwaye? U songide Uriya, Muhiti khu litshari, khu gufela gu dzega mwangadzi waye a khala wago, hwane nya gu bani u mu songide khu litshari la na Amoni.

1 Dzipfhumu 3:6

Solomoni a di hakha, khuye: “U girede wuhindzi nya wadi ga githumi gyago babe wangu, Dhavhidhe; kholu gimbide nago khu lisine ni gululama, ni monyo nya gurule mbeli gwago, u mu ningide wuhigo wago nya wukhongolo, khu gu mu ninga gyanana gi khadego vbagikhalotunu gwaye nya wufumu, kha nga u si wonago muhuno.

2 Dzipfhumu 17:34

Kala na muhuno va nga gu landrisa sihena nya tumbunugo wawe nya guphele; kha va thavi Pfhumu Nungungulu, ambari gu landrisa sileletelo saye, kha nga idzo a rumago khidzo, ni Nayo oyu Pfhumu Nungungulu a nga ningago sanana sa Jakobe, uye a nga mu thangisa lina la Israyeli.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 12:4

Eni nyi di khala gihegiso ga dzipari dzangu, avbo eni nyi nga lombelela ga Nungungulu, Uye a nyi ninga phindrulo; muthu nya lisine ni gululama nyi di khala gihegiso.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 112:1

Aleluya! Dhumisani Pfhumu Nungungulu! Kategide muthu a thavago Pfhumu Nungungulu! A golago gu landrisa milayo yaye.

Dzindzimo 25:21

Lisine ni gululama si na nyi sayise; kholu eni nya gu tumba uwe Pfhumu Nungungulu.

Mavingu 11:12

Uye a nyenyago muthu kwawe gipumbu, aholu uye a gengedego a gu degula saye.

Mavingu 16:17

Ndzila ya valulamidego khu gu duga guvivbani, uye a vegedzago ndzila yaye, a gu sayisa hefemulo waye.

Mavingu 16:6

Muthu a gu ni wuhindzi ni gutumbega, a na handzwa sighoho saye, avo va ningago githawo Pfhumu Nungungulu, va na duga ndzilani nya guvivbe.

Mavingu 19:1

Muthu nya gisiwana a gimbilago khu ndzila nya gululame, a ngu vbindra muthu nya gipumbu a dusago magana nya wukanganyisi khu kanani gwaye.

Mavingu 2:15

va gu gimbila khu dzindzila nya guwegele, va hambana ni ndzila nya lisine.

Mavingu 28:6

Gisiwana gi dzi vbanyelago khu mavbanyelo nya gululame, gi nguvbindra uye a fumidego, aholu gimbilago khu ndzila nya guwegele.

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Luka 10:16

Khu guralo, a di embela vapizane, khuye: “Uye a yingisago enu, kheni a nyi yingisago; gasi uye a nyenyago enu kheni a nyi nyenyago. Kholu wule a nyi nyenyago, a gu nyenya wule a nga nyi rumelago.”

Luka 16:14

Vafarisi, kha nga ulo va nga bani vari vathu nya ligungo, na va pwide magana ya Jesu, va di mu hembulula.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 10:35

gambe kha khedzi mafumbo, a gu tsakiswa khu muthu ni muthu a mu ningago githawo ni gu landra ndruda Yaye.

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.