Mavingu 13:9 - Bhibhiliya Nya Guage

⁹ Mwenge wa va nya gululama wa gu nengedzisa gikhati gyatshavbo, aholu kandriya ya va nya guvivbedwa khu monyo, yi na tshimega.

Mavingu 13:9 Iomraidhean Croise

1 Dzipfhumu 11:36

Nyi na tshiya lihundzu limwedo basi mandzani ga gyanana gyaye, gasi githumi gyangu Dhavhidhe gi kodza gu manega gikhati gyatshavbo na giri mwenge mbeli gwangu ndrani ga Jerusalema, lidhoropa nyi li hathidego gasi gu vega umo lina langu.

Joba 21:17

Dzinyondro dzingani va nya guvivbedwa khu monyo va tshimegedwago khu mwenge? Dzinyondro dzingani va dugeledwago khu mhango ni gu thegedwa khu likhulo la Nungungulu?

Joba 29:3

Gikhati mwenge waye wu nga bani wu wenga hungoni gwangu, ni gikhati nyi nga bani nyi gimbidziswa khu mwenge waye gidemani!

Dzindzimo 112:4

Wenengedzo wu ngu wenengedza gidemani ga muthu nya gululame; uye a na ni wuhigo, wuhindzi ni gululama.

Dzindzimo 97:11

Wenengedzo wu na wonege ga va nya gululama, ni gutsaka gu manega ga vathu nya myonyo nya gululame.

Mavingu 13:10

Matshandza ma gu vanga mazondra, aholu wugengeli wa gu manwa khu vale va dzumelago gulaywa.

Mavingu 13:8

Muthu a ngu kodza gu dzi dzegisa khu thomba yaye, aholu gisiwana kha gi thavi gu thurugiswa khu gilo.

Mavingu 20:20

Uye a valago babe mwendro mayi waye, a na tshimegedwa khu mwenge waye a khala mugidemani nya guthise.

Mavingu 24:20

Kholu va nya guvivbedwa khu myonyo kha va na wona matshigu nya yadi, ni mwenge nya sighohi, wu na tshimega.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Ezekiyeli 32:7

Avbo nyi na gu mbembisago, nyi na fenengedza damboni khu gidema, nyi tshima dzinyeledzi dzaye; nyi tshira lidambo khu mapfhi, ni ngima kha wu na wenengedza gambe.

Mitengo 27:4

Khu ginani lina la babe wathu li na futwago umo nya linyangwa laye khu kotani nyamba tshiya sanana nya vama? Hi ningeni nethu gipandre nya thomba ya babe wathu vbakari ga va ndriyaye.”

Matewu 22:13

Khavbo avbo, mufumeli a di embela sithumi saye, khuye: ‘Mu hungeni mawogo ni mawundru, mu mu dzudzuga vbavbandze, mugidemani. Avbovbo a na ya lila ni gu ketsa magwaha.’

Matewu 25:8

Esi nya sipumbu si di embela iso nya gugengele, khiso: ‘Nga hi vbungulelani mafura, kholu dzikandriya dzathu dzi ngu tshimega.’