Mavingu 13:7 - Bhibhiliya Nya Guage

⁷ Vomo va dzi girago sitetema, na vari mwalo gilo, ni avo va dzi girago sisiwana, na vari ni dzithomba nya dzingi.

Mavingu 13:7 Iomraidhean Croise

Mavingu 11:24

Muthu a ningago khu wuhindzi nya wungi, a gu wona thomba yaye na yi gu engedzelana, aholu uye a girago ligungo guvbindra muthu nya gululame, a na vbeledwa khiso.

Mavingu 12:9

Tshukwana gu khala muthu nya nyalidede tigoni nuri ni vathu va gu thumelago, guvbindra gu dzi khusedza, nuri mwalo guhodza.

Mavingu 13:11

Thomba nya gu yi mane khu gu kanganyisa, kha yi hweli gu vbela, aholu iyo nya gu yi mane khu guthuma ya gu engedzelana.

Mavingu 13:8

Muthu a ngu kodza gu dzi dzegisa khu thomba yaye, aholu gisiwana kha gi thavi gu thurugiswa khu gilo.

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’

Luka 12:21

Khidzo kharati gu na giregago ga wule a dwanelago gu fuma thomba nya yingi, aholu nasiri gitetema ga Nungungulu.”

Luka 12:33

Rengisani dzithomba dzanu, mu kabanisela sisiwana. Sonani sikhwama nyamba hagala, mu wungedzela Ndzadzini thomba nyamba vbela, iyo yi si dzi kodzigo gu phangwa khu dzimbafa ni gu hodzwa khu muhwa,

1 Vakorinto 4:8

Enu olu mu naso satshavbo mu si vbwetago! Mu khade sitetema! Mawako nari pwani mwa gu khala dzipfhumu khu lisine, gasi ethu nethu hi kodze gu fuma nanu.

2 Vakorinto 4:7

Aholu ethu hi hakhidego thomba yeyi nya wuhigo hi sombo nya libumba, gasi gu wonegisa gupwani tshivba yeyi yatshavbo nya yikhongolo kha yi dugeli gwathu ya guta khu ga Nungungulu.

2 Vakorinto 6:10

Gukhwatshi hi swihade, aholu hi ngu nengela gikhati gyatshavbo; gukhwatshi hi sisiwana, aholu hi fumiside nya vangi; gukhwatshi hi mwalo gilo, aholu hi naso satshavbo.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

2 Pedro 2:19

Va gu va tumbisa gutshulega, aholu avo vari dzikhumbi nya silo nya guvivbe. Kholu, muthu ni muthu khumbi nya esi si mu fumago.

Gutuledwa 2:9

Nyi ngu guti gutshaniseka gwago ni wusiwana wago, (aholu u fumide.) Nyi ngu dziti gambe edzi va gu nyenyago khidzo vale va dzi ranago Vajudha vasiri avo, kholu avo tsawa nya valandreli va Sathane basi.

Gutuledwa 3:17

Kha nga u ganelago, khuwe: ‘Nyi gikhudhudhu, nyi fumide, gi mwalo nyi gi hamugago.’ Aholu khu dziti nya gukhuwe u mutshaniseki, u gisiwana, u gikhumu, u wumbwiri.