Mavingu 13:21 - Bhibhiliya Nya Guage

²¹ Wuvivbi wa gu landrisela sighohi, gasi wuwadi tshatshazelo wa va nya gululama.

Mavingu 13:21 Iomraidhean Croise

Genesi 4:7

Wa gu gira nya sadi, khu lisine u na zundzega, aholu wa gu gira guvivba, u na modwa khu gighoho kholu gyomo nyangwani gwago gi vbweta gu gu thesa. Aholu uwe guvbweta u gi pala.”

Dzindzimo 140:11

Vathu nya malipha va na fuve mafuni, muthu nya dzihanyi a na thegedwe khu libango kala li mu mbembisa.

Dzindzimo 32:10

Va nya guvivbedwe khu myonyo va ngu wona sisaniso nya singi, aholu lihaladzo la gu furumedza avo va tumbago Pfhumu Nungungulu.

Dzindzimo 54:5

Uye a na bweledzela guvivba ga vatshanisi vangu; khu kotani nya gutumbege gwago va mbembisele muphelo.

Mavingu 11:31

Muthu nya gululame a na mana tshatshazelo waye mafuni momo; ahati va nya guvivbedwa khu monyo ni sighohi va na gira kharini?

Mavingu 13:13

Uye a venganago ni guhevbudzwa a gu dzi vangela lufu; aholu uye a landrisago nayo, a na mana tshatshazelo.

Mavingu 17:13

Uye a bweledzelago wuwadi khu guvivba, libango gima kha la na duga ndrangani gwaye.

Mavingu 24:16

kholu muthu nya gululame, ambari a thega livbandre na dzimbili dzinyondro, uye a na wuga, aholu vathu nya guvivbedwe khu monyo, litshigu nya mhango, va na thegela muphelo.

Isaya 47:11

Kholu u na dugeledwa khu libango, u na gumba liti umo litago khumo; libango leli li na gu thegela, nyamba kodza gu dzi vhikela; kholu li na gu thegela khu githugedza, li ta gu mbembisa nu si pimi gilo.

Ezekiyeli 7:5

Mune Pfhumu Nungungulu a di ganela kharati, khuye: “ Wona nya gukhuwe libango li nguta nya likhongolo.

Mitengo 32:23

Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

Mithumo 28:4

Vamune tigo, na va wone nyoga na yi dandramede mandzani ga Pawulo, va di ganela, khavo: “Khu lisine mwama yoyu gighevenga, a dzi kodzide gu vbuluga matini, aholu Nungungulu kha dzini gu mu diga a vbanya.”