Mavingu 13:16 - Bhibhiliya Nya Guage

¹⁶ Muthu nya mapimo a gu thumisa guti, aholu gipumbu gya gulaledza guhandruga gwaye.

Mavingu 13:16 Iomraidhean Croise

Dzindzimo 112:5

Kategide muthu a pwelago wuhindzi a lombisa; a gimbidzisago silo saye khu gululama.

Mavingu 14:33

Guti gomo monyoni gwa muthu nya mapimo, aholu maalakanyo ya sipumbu, ma gu dzi wonegisa.

Mavingu 15:2

Lidimi la va nya gugengela la gu mburisa guti, gasi magana ya va nya guvivbedwa khu monyo, ma gu gamba wupumbu.

Mavingu 18:2

Gipumbu kha gi dzi garadzi khu gu vbweta mapimo, gya gu tsakiswa khu wupumbu waye.

Mavingu 21:24

Muthu nya matshandza ni lunya; khu wule a dzi khusedzago ni gu vega vbavbatshi vakwawe.

Muhevbudzi 10:13

Guphela nya magana yaye khya wupumbu, ni ayo nya guhegise khya gu handruga.

Muhevbudzi 10:3

Gipumbu gya gu gimbila khu ndzila, gya gu gimbila nyambana mapimo, gya gu yeyedza vatshavbo khigyo muthu nya gudhadhavale.

Isaya 52:13

Wonani nya gukhenu, githumi gyangu gi na thuma khu mapimo, gi na dandriswa, gi zundzwa, gi khusedzwa vbatshani.

Matewu 10:16

“Wonani, nya gu mu rumelani kha nga dzinvuta vbakari nya masolwa; khu kharato, gengelani kha nga dzinyoga; mu rula kha nga matuva.

Varoma 16:19

Mahungu nya gutumbege gwanu ga Kristo ma pwade malangani gwatshavbo, ma nyi tsakisa ngudzu. Aholu nya guvbweta gukheni mu gengela gasi mu kodze gu landra esi nya sadi; mu rula gasi mu kodze gu dzi vhikela ga esi nya guvivbe.

1 Vakorinto 14:20

Vandruye, mu nga khali sanana mapimoni gwanu, aholu, khalani sanana ga esi nya guvivbe, mu khala vagulu nya vathu khu gu pima.

Vaefeso 5:17

Khavbo avbo, mu nga khali sipumbu, aholu dzi garadzeni khu gu tugula egi Pfhumu a golago gukhuye mu gire.

1 Samuweli 25:17

Khu guralo, wona egi u yelago gu gira, kholu mune wathu ni ndranga yaye yatshavbo a ngu thusedzedwa khu gukhungumudwa; kholu uye muthu nya dzihanyi, mwalo a dzi kodzago gu ganela naye.

1 Samuweli 25:25

Mune wangu, u nga theli kota khu mwama yoyu nya dzihanyi, a gu uye Nabhali, kha nga li tshamuselago lina laye. Khu lisine khuye Nabhali kha nga a gu idzo ni wupumbu waye. Gasi eni githumi gyago kha nya ma wona madzaha ya mune wangu, u ma rumidego.