Mavingu 12:23 - Bhibhiliya Nya Guage

²³ Muthu nya mapimo a gu siha guti gwaye, aholu gipumbu gya gu laledza wupumbu wagyo.

Mavingu 12:23 Iomraidhean Croise

Nehemiya 2:12

Nyi di wuga ni vbakari nya wutshigu gumogo ni vama nya vadugwana, nyi nga bani na nyiri navo, aholu gima kha nya nga embela muthu iso Nungungulu wangu a nga bani a si thede monyoni gwangu gasi nyi ya si gira Jerusalema; nyi diri mwalo ni gifuyo vbavbandze nya egi nyi nga bani nyi gi khilede.

Nehemiya 2:16

Manganagana kha ma nga guti umo nyi nga bani nyi hongode, niso nyi nga bani nyi gu thuma; kholu, kala gikhati gyogyo ambari Vajudha, vaphasi nya mhamba, ni manganagana, ni avo va nga bani na va gu gira mithumo, nyi di si gu ganeli gilo gwawe.

Mavingu 10:14

Vathu nya gugengele va gu siha guti gwawe, aholu khu kanani ga muthu nya gipumbu, gu duga gumbembisa.

Mavingu 10:19

Muthu nya guganele ngudzu, kha vhiki gighoho, aholu uye a vegedzago likana laye, muthu nya mapimo.

Mavingu 11:13

Muthu nya mapongowongo a gu tugudzisa misihalo, aholu uye nya gutumbege, a gu siha misihalo.

Mavingu 13:16

Muthu nya mapimo a gu thumisa guti, aholu gipumbu gya gulaledza guhandruga gwaye.

Mavingu 14:33

Guti gomo monyoni gwa muthu nya mapimo, aholu maalakanyo ya sipumbu, ma gu dzi wonegisa.

Mavingu 15:2

Lidimi la va nya gugengela la gu mburisa guti, gasi magana ya va nya guvivbedwa khu monyo, ma gu gamba wupumbu.

Mavingu 18:2

Gipumbu kha gi dzi garadzi khu gu vbweta mapimo, gya gu tsakiswa khu wupumbu waye.

Mavingu 29:11

Muthu nya gipumbu a gu yeyedza likhulo laye latshavbo, aholu uye a gu ni guti, a gu dzi phara a li siha.

Muhevbudzi 10:3

Gipumbu gya gu gimbila khu ndzila, gya gu gimbila nyambana mapimo, gya gu yeyedza vatshavbo khigyo muthu nya gudhadhavale.

1 Samuweli 10:16

Sawule a di hakha babe dugwane waye, khuye: “A hi embede nya gukhuye, dziburu dzi manegide.” Aholu, khu mahungu nya mufumo a ganedego khuwo Samuweli, kha nga mu embela gilo.