Mavingu 12:14 - Bhibhiliya Nya Guage

¹⁴ Muthu ni muthu a gu hakha handro nya iso a si dusago khu kanani gwaye, ni gu mana tshatshazelo nya sile a girago khu mandza yaye.

Mavingu 12:14 Iomraidhean Croise

Joba 34:11

Kholu a gu bweledzela muthu mayelano ni mithumo yaye, a mu ninga maningano khu dzindzila dzaye.

Dzindzimo 63:5

Nya gu dzipwa gutsaka gukhwatshi nyi di khura khu guhodza nya gunone, nyi na womba mikulungwane nya gutsake nyi gu rungudza.

Mavingu 1:31

Khu guralo, va na hodza handro nya mithumo yawe, va khura khu gupimisa gwawe.

Mavingu 13:2

Muthu nya wadi a gu havela mihandro nya iso a ganelago khu kanani gwaye, aholu va nya guvivbedwa khu myonyo va gu gola mayunga.

Mavingu 14:14

Uye nya guvivbedwe khu monyo a na khura khu mavbanyelo yaye, aholu muthu nya gululame a na khura khiso sa monyoni gwaye.

Mavingu 15:23

Muthu a gu tsaka khu gu ninga phindrulo nya yadi, mahungu ma gu ganedwa khidzo gu vbwetegago khidzo, ma gu tshamba ngudzu.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 24:12

Wa gu ganela, khuwe: “Ethu kha hi siti iso si nga bani na si gu dugelela!” Ina wule atigo mapimo nya vathu, kha na siti, gani? Uye a sayisago womi wago, kha na siti, gani? Ina Uye kha na bweledzela muthu mayelano ni mithumo yaye, gani?

Mavingu 5:22

Muthu nya guvivbe a na modwa khu nandru waye, a hungwa khu ngodzi nya sighoho saye.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 21:14

“Nyi na mi tsayisani gukhedza khu mithumo yanu, a ngu ganela Pfhumu Nungungulu; nyi na khondrisa nilo khabini gwanu, wu na vbisago satshavbo si guromo bambe nya lidhoropa lanu.”

Hoseya 4:9

Khu guralo, nyi na tsayisa vathu vangu, nyi gira kharato gambe ni vaphasi nya mhamba, khu kotani nya dzindzila dzawe, nyi na va ninga tshatshazelo nya mithumo yawe.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Vahebheru 11:26

A di wona nari tshukwana gu nyenywa khu kotani ya Kristo guvbindra gu fuma dzithomba dzatshavbo dza Egipito. Maho yaye ma di khedza tshatshazelo wu nga gutago.

Vahebheru 2:2

Gutadzisegide gupwani mahungu hi tivisidwego khu dzingilozi dza Nungungulu makhongolo ngudzu; ava va ngamba ma landrela ni gumba ma yingela va hakhide tsayiso yawe.