Mavingu 11:4 - Bhibhiliya Nya Guage

⁴ Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Mavingu 11:4 Iomraidhean Croise

Genesi 7:1

Pfhumu Nungungulu a di embela Nowa, khuye: “Bela taroni uwe ni ngamo yago yatshavbo, kholu khuwe basi muthu nya lisine nya gululame nyi gu manidego vbakari nya vathu vatshavbo va matshiguni yaya.

Joba 20:28

Wu nata talo wuta kukuluta ndranga yaye ni thomba yatshavbo ya ndrangani gwaye yi na fuviswa khu mati, litshiguni nya likhulo la Nungungulu.

Mavingu 10:2

Thomba nya gu yi mane khu wudambane, kha yi phasi gilo, aholu, gululama gu ngu vbulugisa muthu lufuni.

Mavingu 12:28

Guvbanya gomo ndzilani nya gululame, uye a yi landrisago gima kha mani lufu.

Mavingu 6:34

Kholu mwama a mu bhayedego mwangadzi waye a gu vila khu likhulo, kha na mu tsetselela litshigu nya gulamudwe.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Ezekiyeli 14:14

Ambari na va khade vbakari nya litigo lile vama vava va vararu, Nowa, Dhaniyeli ni Joba, a gu vama nya gululame, va di hadza guvbulugisa womi wawe basi khu kotani nya gululame gwawe; a ngu ganela Mune Pfhumu Nungungulu.

Ezekiyeli 7:19

Va na swaya parata yawe dzindzilani, ni ndralama yawe yi na girwa kha nga gilo nya gunyenyeze. Parata ni ndralama yawe, kha si na nga kodza gu va vbulugisa litshigu nya likhulo la Pfhumu Nungungulu, gambe, kha si na nga kodza gu vbedza ndzala yawe ni gu tadza sisusu sawe; si na va gira basi gu va tshunganiswa va bela muguvivbani.

Sofoniya 1:18

Ambari parata ni ndralama yawe, kha si na kodza gu va vbulugisa, litshiguni nya likhulo la Pfhumu Nungungulu. Litigo latshavbo li na dagarela khu nilo nya likhulo laye. Ina, kholu a na mbembisa muphelo vatshavbo va vbanyago mafuni, mwalo a na vbulugago.

Matewu 16:26

Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’

Varoma 5:17

Kholu kha nga gufa gu ningidwego tshivba khu kotani nya gighoho gya muthu moyo basi; ngudzungudzu vale va hakhago wuhigo wowu ni gu mana makategwa nya gululame, va na vbanya ni gu fuma khu tshivba ya muthu moyo basi, uye Jesu Kristo.

1 Thimoti 4:8

Kholu wa gu olovela gu vbanya khu mithumo nya givili, kha yi phasi gilo, aholu, wa gu vbanya khu gukhodwa, gu ngu phasa satshavbo, gu ngu ninga gutumba guvbanyani ga olu ni ugo gu natago.