Mavingu 11:24 - Bhibhiliya Nya Guage

²⁴ Muthu a ningago khu wuhindzi nya wungi, a gu wona thomba yaye na yi gu engedzelana, aholu uye a girago ligungo guvbindra muthu nya gululame, a na vbeledwa khiso.

Mavingu 11:24 Iomraidhean Croise

2 Dzikoronika 31:10

Azariya, muphasi nya khongolo nya mhamba wa nyumbani ga Sadhoki, a di mu embela, khuye: “Gukhugela wu phedwego gu reswa ningelo yoyu Nyumbani ga Pfhumu Nungungulu, gu manegide gu hodzwa gu khurwa, si bwelo khavbo si tshala khu wungi nya iso; kholu Pfhumu Nungungulu a di kategiside vathu vaye, gutshala nya singi ngudzu.”

Dzindzimo 112:9

A ngu kabana silo saye ni sisiwana; gululama gwaye gu ngu simama kala gupindruga, tshivba yaye yi na khusedzwa khu wudhumo.

Mavingu 11:18

Muthu nyambasi wadi, a gu hakha tshatshazelo nya wudambane, Aholu uye a yalago gululama, a na mana tshatshazelo nya wadi.

Mavingu 11:23

Gitumbo gya va nya gululama gya gu hegisa khu matsenya, aholu gya va nya guvivbedwa khu monyo, gya gu hegisa khu tshanisa.

Mavingu 11:25

Hefemulo wa muthu nya wuhindzi wu na hodza wu eneledwa, ni wule a thawuludzago libogo a ningela, uye nuye a na ningwa.

Mavingu 13:7

Vomo va dzi girago sitetema, na vari mwalo gilo, ni avo va dzi girago sisiwana, na vari ni dzithomba nya dzingi.

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 28:27

Uye a ningago gisiwana gima kha na hamuga gilo, aholu uye a gi segelago maho, a na vadwa khu vathu.

Mavingu 28:8

Uye a andrisago thomba yaye khu guvelegisa dzitsapawu nya gufiyarise, a gu yi hengeledzela uye a pwelago wuhindzi sisiwana.

Muhevbudzi 11:6

Yala mbewu yago gu ngari dzimindru, aholu vbasilambotunu u nga khali khu mawogo, kholu khu yiti iyo yi na bugago yi ninga mihandro; kheyi mwendro khu yile, mwendro dzatshavbo dzi na ni lisima.

Agewu 1:6

Mwa gu yala nya singi, aholu mu vbwera sidugwana; guhodza mu ngu hodza, aholu kha mu khuri; mu ngu sela, aholu kha mu tshimi lidora; guambala mu ngu ambala, aholu kha mu furumeli; wule a hakhago tshatshazelo nya thumo waye, a gu wu thela kwamani nya gupolege.”

Malakiya 3:8

“Ina muthu a ngu dzi kodza gu bela Nungungulu, gani? Gasi enu mwa gu nyi bela mu bwelo khavbo mu wudzisa, khenu: Ginani hi nga gu belago? Mu ngu nyi bela umo nya gipandre nya likhumi ni avbo nya miningelo mu yelago gu nyi luva khiyo!

Luka 6:38

Ningani, mu na ningwani nenu; mu na ningwa gipimo nya gyadi, nya gutale, gi gonyeledwa, bwelo khavbo gi phathamela. Kholu Nungungulu a na mi pimela khu gipimo mu na pimago khigyo vakwanu.”

Dhewuteronome 15:10

Mu ninge nu tshulegide, monyo wago wu nga kanakani gikhati u mu ningago; khu isoso, Pfhumu Nungungulu wago, a na gu kategisa ga mithumo yago yatshavbo, gumogo ni ga satshavbo u na si girago.