Mavingu 11:13 - Bhibhiliya Nya Guage

¹³ Muthu nya mapongowongo a gu tugudzisa misihalo, aholu uye nya gutumbege, a gu siha misihalo.

Mavingu 11:13 Iomraidhean Croise

Mavingu 10:19

Muthu nya guganele ngudzu, kha vhiki gighoho, aholu uye a vegedzago likana laye, muthu nya mapimo.

Mavingu 11:12

Uye a nyenyago muthu kwawe gipumbu, aholu uye a gengedego a gu degula saye.

Mavingu 12:23

Muthu nya mapimo a gu siha guti gwaye, aholu gipumbu gya gu laledza wupumbu wagyo.

Mavingu 14:5

Fakazi nya gutumbege yi mwalo malipha, aholu fakazi nyamba tumbega ya gu resa malipha.

Mavingu 19:11

Muthu nya mapimo kha vbiredzeli gu goroga, wuzundzo waye, khu gutsetselela sihoso.

Mavingu 20:19

Muthu nya milembo a gu tugudzisa misihalo, khu guralo, u nga dzi tshanganisi ni muthu nya mapongowongo.

Mavingu 25:9

Lamulana ni muakelane wago, aholu u nga tugudzisi misihalo ya vakwanu;

Jeremiya 38:27

Khu guralo, vathangeli vatshavbo va di ya mu wudzisa, aholu Jeremiya a di hakha kha nga idzo a nga laywa khidzo khu mufumeli; va di mu diga a khala khu gurula, kholu kha nga thuledza gilo.

Levhi 19:16

U nga gimbili u ganelela guvivba khu vathu va na gyanu, mwendro gusambanya malipha u songisa muthu kwanu. Eni kheni Pfhumu Nungungulu.

1 Thimoti 5:13

Va olovela gu khala basi, va gimbila khu ndranga ni ndranga, va ganelela mapepetela niso nyambaya khumo.

Josuwa 2:14

Avo va di hakha, khavo: “Khu kotani nya womi wathu, hi na vbanyisa uwo wanu wa gumba hi tugudzisa. Avbo Pfhumu Nungungulu a na gu hi ningago litigo leli, ethu nethu hi na mi sayisani khu wuwadi ni gutumbega.”

Josuwa 2:20

Uwe nuwe wa gu tugudzisa makungo yaya yathu, ethu nethu hi na tshulega ga gifungo gegi hi gi sambanyidego gwago.”