Mavingu 11:10 - Bhibhiliya Nya Guage

¹⁰ Va gu andra vathu nya gululame, lidhoropa la gu nengela, gasi a gufa muthu nya guvivbedwe khu monyo, gumanega mikulungwane.

Mavingu 11:10 Iomraidhean Croise

2 Dzipfhumu 11:20

Vathu vatshavbo va tigoni va di nengela ni lidhoropa li di rula, Ataliya va di mu songa khu litshari vbafuvbi ni nyumba ya mufumeli.

2 Dzikoronika 23:13

A wona mufumeli na khade vbawulangatunu gwaye, vbafuvbi ni lidingo la vbamwanyatunu, vathangeli ni avo va nga bani na va gu womba mipundru, va diri khu wubambe ga mufumeli; gasi vathu vatshavbo va tigoni va di gu dzi tsakela ni gu womba mipundru. Vaembeleli navo na va pharide siwombawomba nya wutsendze, va di gu embelela dzindzimo nya gurungudze. Khavbo avbo, Ataliya a di pferula dzingandzu dzaye a laledza, khuye: “Valogovedzi! Valogovedzi!”

2 Dzikoronika 23:21

Vathu vatshavbo va tigoni va di nengela, ni dhoropani gu di rula, kholu va di songide Ataliya khu litshari.

Joba 27:23

Litshigu a na thegago, vathu va na khwakhwatela mandza khu gutsaka va mu poyila khu gu womba dzindrodzi.”

Ekisodha 15:21

Miriyamu a di va thulela ndzimo, khuye: “Embani ga Pfhumu Nungungulu, kholu khu lisine khongolo; mbembiside phwani kavalu ni mukhileli wakone.”

Mavingu 11:11

Khu makategwa ya va nya gululama, lidhoropa la gu khusedzwa, aholu malito ya va nya guvivbedwa khu myonyo, ma ngu li mbembisa.

Mavingu 28:12

Va gu fumiswa va nya gululama, gomo gunengela nya gungi ngudzu; aholu va gu fuma va nya guvivbedwa khu myonyo, vathu va guya sihala.

Mavingu 28:28

Va nya guvivbedwa khu myonyo va gu vegwa gu khala vafumeli, vathu vatshavbo va gu phalalega vaya sihala, aholu va gufa, va nya gululama, va gu engedzelana.

Mavingu 29:2

Va nya gululama va gu fumela litigo, vathu va gu tsaka, aholu, va gufuma va nya guvivbedwa khu myonyo, vathu va gu lila.

Jeremiya 51:48

Ndzadzi ni mafu gumogo ni satshavbo si guromo umomo, si na tsaka si womba mikulungwane khu kotani ya Bhabhiloni, kholu avo vatago vata sasela litigo leli, va nata khu Wuronga, a ngu ganela Pfhumu Nungungulu.

Valamuli 5:31

Pfhumu Nungungulu, valala vago va na fise guralo, aholu, avo va gu golago va na khale nga lidambo, avbo li dugago khu tshivba yaye yatshavbo.”