Mavingu 10:29 - Bhibhiliya Nya Guage

²⁹ Ndzila ya Pfhumu Nungungulu, likhokhola la va nya gululama, aholu gumbembiswa ga vale va girago guvivba.

Mavingu 10:29 Iomraidhean Croise

Joba 31:3

Ina gumbembiswa, khandri gu di emisedwa va nya gu vivbedwa khu myonyo, ni dzimhango kha dzi thegeli avo va girago guvivba, gani?

Dzindzimo 1:6

Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.

Dzindzimo 36:12

Va thegide vbavbatshi avo va girago guvivba; va thegede muphelo nyamba kodza gu wuga gambe.

Dzindzimo 37:20

Khu guralo, va nya guvivba va na mbemba, ni valala va Pfhumu Nungungulu, va na wu na nga mwasi wa panini, va na mwalalega nga wutshi.

Dzindzimo 84:7

Na va gu gimbila, tshivba yawe ya guya na yi gu engedzelana litshigu ni litshigu, kala va gu vboha mbeli ga Nungungulu, gigomoni gya Siyoni, va ta wona khovbe yago.

Dzindzimo 92:7

Vathu nya guvivbe ambari va dandra kha nga mwasi, vatshavbo va thumago guvivba va andra, mahegiso yawe va na mbembiswa kala gupindruga,

Mavingu 11:7

A gufa muthu nya guvivbedwe khu monyo, gya gu vbela gitumbo gyaye; ni satshavbo a nga bani na gu si lirela, sa gu luza.

Mavingu 13:6

Gululama gu ngu hetedza muthu a gu ni mavbanyelo nya yadi, aholu gighohi gi ngu mbemba khu mithumo yaye.

Mavingu 21:15

Malamulelo nya gululame, ma gu tsakisa avo valulamidego, aholu ma swihadzisa va nya guvivbedwa khu myonyo.

Isaya 40:31

aholu vale va tumbago Pfhumu Nungungulu, va na wusedzwa tshivba yawe, va vbuvba khu mambapi gu fanana ni maghama, va na tutuma nyamba garala, va gimbila nyamba vbela tshivba.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Zakariya 10:12

Eni nyi na va tiyisa tshivbani ga Pfhumu Nungungulu, va na gimbila linani gwangu; a ngu ganela Pfhumu Nungungulu.

Vafilipi 4:13

Nyi ngu kodza gupala satshavbo tshivbani ya wule a nyi tiyisago.