Mavingu 10:22 - Bhibhiliya Nya Guage

²² Gikategiso gya Pfhumu Nungungulu gya gu resa gufuma, gambe gu dzi garadza gwathu kha gu engedzeli gilo avbo.

Mavingu 10:22 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 13:2

Abrama a di fumide ngudzu mitshambi, parata ni ndralama.

Genesi 14:23

gukheni kha nyi dzumeli gutshala ambari ni gimwegyo basi nya silo satshavbo si lumbago uwe, ambari khu khindra mwendro ngodzi nya guhunge khiyo silato, kha nyi vbweti u ganele gukhuwe: Khuwe u nga fumisago Abrama.

Genesi 24:35

Pfhumu Nungungulu tadzide mune wangu khu wuhigo ni makategwa, a mu dandriside khu tshivba ni dzithomba. A mu ningide dzinvuta, dzimombe, parata ni ndralama, ni sithumi nya vama ni vanyamayi, dzingameriya ni dziburu.

Genesi 26:12

Isaki a di yala marembwe yaye tigoni mule. Mwaga yoyo wa wumowo, a di fuma ngudzu guvbindra lizana dzinyondro, kholu Pfhumu Nungungulu a di mu kategisa.

Genesi 26:13

Mwama yoyu a di fuma ngudzu, a gu engedzela ngudzu dzithomba dzaye, kala a gu khala gikhudhudhu.

1 Dzipfhumu 21:19

U na mu embela, khuwe: Pfhumu Nungungulu wari, khuye: “Guhegula u songide, olu wa gu vbweta gu dzega thomba ya muthu a gu mwalo nandru, gani? U engedza gambe u mu embela, khuwe: Pfhumu Nungungulu a ngu ganela, khuye: Wulangani wu dandzedwego novba wa Nabhoti khu dzimbwa, dzi naya dandzela gambe novba wago.”

1 Dzikoronika 4:10

Jabhesi a di lombelela ga Nungungulu wa na Israyeli, khuye: “Oh! Naripwani U ngu nyi kategisa U engedzela mivbingano nya litigo langu, gyandza gyago na giri gumogo ni eni, U nyi vhikela ga silo nya guvivbe, gasi nyi si mani sigaradzo!” Nungungulu a di mu ninga iso a nga si lomba.

2 Dzikoronika 25:9

Amaziya a di embela muthu wa Nungungulu, khuye: “Olu dzi na thuma ginani dzitaleta nya parata nyi ningedego masotshwa ya na Israyeli?” Muthu wa Nungungulu a di phindrula, khuye: “Pfhumu Nungungulu a naso nya singi nya gu gu ninge nya guvbindre isoso.”

2 Dzikoronika 32:27

Ezekhiya a di mana dzithomba nya gutale ni wudhumo nya wungi; va di gira dzibhakwa nya guvegedzele parata, ndralama, siwindri nya lisima, libani, sitshangu, ni simbe sombo nya lisima.

2 Dzikoronika 32:29

Vbahide gambe madhoropa, a diri ni dzinvuta ni dzimombe nya gutale; kholu Pfhumu Nungungulu a di mu ningide dzithomba nya dzingi.

Dzindzimo 107:38

Nungungulu a di kategisa vathu vaye, avo va di velega sanana nya singi, wu di si vbungugi tengo nya sifuyo sawe.

Dzindzimo 127:2

Kha gu mi phasi gilo gu phindrula ni dzimindru dzikhongolo, mu thuma kala vbakari nya wutshigu, mu fela gu hodza mihandro nya lithonga lanu, Nungungulu a ngu hodzisa sigodwa saye ambari na si lade.

Dzindzimo 37:22

Avo va kategiswago khu Pfhumu Nungungulu, va na fumela litigo, avo va vadwago khuye va na mbemba.

Mavingu 14:24

Gihugu gya va nya guti, khu thomba yawe; aholu wupumbu nya sipumbu, dzitshoni basi.

Mavingu 20:21

Wa gu phela khu guvbiredzela gu mana thomba, khu guhegisani kha yi na gu ninga makategwa.

Mavingu 28:22

Muthu nya ligungo a gu tutumela gufuma, aholu kha dziti gukhuye a na khala gisiwana.

Mavingu 8:21

Nyi kodza gufumisa avo va nyi golago, nyi va ghanyisa khu thomba nya yingi.

Dhaniyeli 1:15

Hwane nya likhumi matshigu, gu di wonega dzikhovbe dzawe nari idzo dzi khalegidego gwadi, na va enide gwadi guvbindra madzaha ma nga bani ma gu hodza guhodza ga nyumbani ga mufumeli.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Dhewuteronome 26:10

Olu, nyi ngu resa mihandro nya gu phele nya litigo eli uwe Pfhumu Nungungulu, u nyi ningidego. Khavbo avbo, u na yi vega mbeli ga Pfhumu Nungungulu wago, u khidzima mbeli gwaye.

Dhewuteronome 28:11

Pfhumu Nungungulu a na andrisa mihandro nya melego gwago, sifuyo sago si na velegelana, ni mahangeni gwago gu na fuma mihandro nya yingi, ga litigo eli Pfhumu Nungungulu a sambanyidego ga vababe vago gu gu ninga.

Josuwa 6:18

Aholu dzi woneleni ga sile si lolelago, mwa gu tshuka mu dzega gimwegyo nya iso, mu na resa libango ga lizumbo la na Israyeli, gu na manega pfilupfilu.